بھٹکل:14/ جنوری (ایس اؤنیوز)سرکاری ملازمین کو ہمیشہ اپنے کام کا دباؤ رہتاہے، ایسے میں کھیلوں کا انعقاد کرنے سے دباؤ سے باہر نکلنا ممکن ہوگا۔ نوجوان نسل بڑی اہمیت کی حامل ہے سرکاری ملازمین کی رہنمائی ان کے لئے ضروری ہے۔تعلقہ کے سرکاری ملازمین کےمابین جالی روڈ کولا میدان میں دو روزہ ٹینس بال کرکٹ ٹورنامنٹ کا افتتاح کرنے کے بعد بی جے پی لیڈر سنیل نایک نے ان خیالات کا اظہارکیا۔
تحصیلدار وی این باڈ کر نے افتتاحی تقریب کی صدارت کرتے ہوئے سماجی بہتری میں سرکاری ملازمین اہم رول ادا کرتے ہیں، انہوں نے کہاکہ کھیل کے ساتھ ساتھ ثقافتی ، مذہبی دیگر سماجی پروگرامات کریں ۔
اس موقع پر وینکٹیش نائک، موہن نائک، واسوموگیر، شیکھر پجاری ، ونایک تھامسن ، رام پجاری وغیرہ موجود تھے۔ سی ڈی پڈوکونے نے نظامت کی تو گنیش ہیگڈے نے شکریہ اداکیا۔