بھٹکل:16؍ستمبر(ایس اؤ نیوز) صرف نصابی کتب ہی تعلیم نہیں ہے ۔ کھیل ک بغیر تعلیم مکمل نہیں ہونے کا رکن اسمبلی سنیل نائک نے خیال ظاہرکیا۔

وہ یہاں  ضلع پنچایت اور محکمہ کھیل اترکنڑا ، تعلقہ پنچایت بھٹکل ، تعلقہ یوتھ فیڈریشن بھٹکل ، شری درگاپرمشوری یوتھ سنگھ تٹی ہکل کے اشتراک سے شرالی ،تٹی ہکل میدان میں منعقدہ بھٹکل تعلقہ دسہرہ کھیل مقابلوں کا افتتاح کرنے کے بعد خطاب کررہے تھے۔ تعلقہ پنچایت ممبر مالتی موہن دیواڑیگا نے بات کرتےہوئے دیہی علاقوں میں کھیل سہولیات کی قلت کو دور کرنے کا مطالبہ کیا۔ تعلقہ پنچایت ممبر وشنو دیواڑیگا نے بھی اپنے خیالات کااظہار کیا۔ شرالی گرام پنچایت کے صدر وینکٹیش نائک نے پروگرام کی صدارت کی۔ ڈائس پر تعلقہ پنچایت ممبر ہنومنت نائک، تعلقہ پنچایت افسر لکشمی نارائن سوامی ، بی ای اؤ منجی ، دیورایانایک، لکشمی نارائن نائک، رام چندر نائک، موہن نائک، کرشنا دیواڑیگا وغیرہ موجود تھے۔ کھیل آفیسر ناگراج پٹگار نے استقبال کیاتو فزیکل ٹیچر گوپال نائک نے حلف کی خواندگی کرائی ۔ فزیکل ٹیچر ایس جی ہیگڈے نے شکریہ اداکیا۔ استاد چدانند نے نظامت کی۔