بھٹکل کے قریب ولکی جامعہ سیدناعمر ؓفاروق میں سالانہ کھیل مقابلے؛ اول، دوم و سوم آنے والوں کو انعامات کی تقسیم
ولکی 10/جنوری (ایس او نیوز/مختار احمد فخرو ولکوی ) سنیچر اور اتوار مورخہ٢٣ /٢٤ جمادی الثانی ١٤٤٥ھ مطابق7اور 8 جنوری 2024ءکو ادارةالتعلیم ولکی کے زیر اہتمام گزشتہ سال کی طرح اس سال بھی اعلى و نمایاں پیمانے پر طلباء جامعہ کے لئے 36 مختلف کھیلوں کا انعقاد کیا گیا تھا جس میں طلبہ نے بڑھ چڑھ کر حصہ لیتے ہوئے شائقین کے لئے خوب محظوظ ہونے کا موقع فراہم کیا۔
سنیچر دوپہر 2:45 بجے عبد النافع فضل الرحمن ھگلواڑی کی تلاوت قرآن اور طلباء کی اجتمای دعا سے ساتھ جلسہ کا آغاز ہوا۔ معاویہ ابن سلطان فخرو نے کنڑی زبان میں نظم سنا کر سامعین کو محظوظ کیا، بعد میں کھیل کی شروعات ذمہ داران "ادارہ" و گاؤں کے بزرگ حضرات سے کی گئی۔
اجتماعی کھیل کے لئے طلباء کی تین جماعتیں (Team's) صلاح الدین ایوبی،محمد بن قاسم اور ٹیپو سلطان شہید کے نام سےبنائی گئ تھی ، طلباءجامعہ عمر کو مختلف رنگوں کے لباس مختلف ٹولیوں یا گروپس کو پہنا کر میدان میں اتارا گیا تھا' انواع واقسام کے نئے پرانے کھیل دکھا کر طلباء جامعہ لوگوں کی توجہ کا مرکز بنے رہے ۔ کھیلوں میں طلباء نے اپنی پوری دلچسپی و چستی و ہمت و بہادری کا خوب مظاہرہ کیا۔
دوران کھیل نوجوانان ولکی خاص کر اصلاح اسپورٹس کے نوجوانوں نے میدان میں ڈٹ کر بچوں کی خوب حوصلہ افزائی کی۔ ادارہ کے فعال اراکین اور ہمدرد مختار غیب افراز ھگلواڑی محمد حسین منا،مناظر جدہ،اشفاق جدہ،رفیق جدہ محمد حسین منا،وسیم قاضی،آصف بونگیا،جعفرقاضی اور منیب ملا،توفیق شیخ ،احمد ملا و عمیر سدی باپا،حسان ھگلواڑی،عمار داولجی،شبیر داولجی،حنیف داولجی شارق داولجی،جاوید،طفیل جدہ،محمد رفیق جدہ صادق پوٹلی نے اپبے شوق و جذبے سے سر شرشار اور محنت و لگن سے دو دن تک اساتذہ جامعہ کے ساتھ طلباء کی رہبری و حوصلہ افزائ کی، بعضوں نے رفیری کا کردار بھی ادا کیا' کومینٹری سیٹ پر ایک اور فعال رکن مصدق ھلدی پور نے اپنے فن کا مظاہرہ کیا اور شائقین کا دل جیت کر انعامات بھی حاصل کئے۔
مغرب بعد جلسہ عام منعقد ہوا ' معوٓذابن مختار فخرو کی تلاوت قرآن کے بعد صدر مدرس مولوی فیض احمد ندوی نے اپنے خیالات و تاثرات کے ساتھ جلسہ کو آگے بڑھایا بعدمختلف افراد کے مختصرا تأثرات کے بعد مولانا علی ندوی کی نظامت، بیان و تاثرات اور مختار احمد فخرو اور احمد سکری کے تاثرات و خصوصی گزارشات و اعلانات کے بعد مولوی شہنواز ندوی نے نظامت سنبھالی بعد میں امتیازی کامیابی پانے والے طلباء کو خصوصی انعامات و تمغاتِ امتیاز سے نوازا گیا۔
تقریب کے دوسرے دن اختتامی جلسہ اورتقسیم انعامات کے لئے وقف رہا،جس میں مہمان خصوصی کے طور پرحنیف آدم ھلدی پور ، اور ایس وی ہائی اسکول ولکی کولگیدے کے ہیڈ ماسٹر شانمکھ موجود تھے۔
تقریب میں اساتذہ جامعہ کی محنت و لگن کو دیکھ کر ذمہ داران ادارہ کی طرف سے انہیں بھی تمغہ امتیاز سمیت خصوصی انعامات سے نوازا گیا۔پہلے دن جلسہ کی صدارت جماعت المسلمین کے نائب صدرجناب داولجی محی الدین صاحب نے کی، جبکہ دوسرے دن جماعت المسلمین ولکی کے صدر جناب خالد ملا صاحب نے صدارت کی ذمہ داری سنبھالی۔جماعت کے اول دوم جنرل سیکریٹری جناب انصاری پوٹلی و جناب سلیم ملا صاحبان پروگرام میں آخر تک اسٹیج پر موجود رہے۔ آخر میں عابدین پوٹلی کی نمایاں و بے لوث خدمات پر انہیں بھی تمغہ امتیاز و خصوصی انعام سے نوازا گیا۔ اختتام پر کلمات تشکر ادارہ کے بنیادی رکن حسن فخرو صاحب نے ادا کئے اور دعا پر جلسہ اختتام کو پہنچا۔
ہوناور تعلقہ کا ولکی قصبہ بھٹکل سے قریب 60 کلو میٹر کے فاصلے پر واقع ہے،یہاں دو دہائیوں سے لڑکیوں کے لئے مدرسہ فاطمۃ الزھرا اور لڑکوں کے لئے جامعہ سیدنا عمر فاروق میں تعلیم کا مناسب انتظام کیا گیا ہے۔ اب تک ان دو مدرسوں سے 55 طالبات عالمیت کی اور13 لڑکے حافظ قران کی سند حاصل کرچکے ہیں۔ چونکہ لڑکوں کی تعلیم کے لئے یہاں مستقل عمارت نہیں ہے، مسجد کی عمارت کے بالائی حصہ میں تعلیم دی جارہی ہے۔ ان مدرسوں میں صرف ولکی سے ہی نہیں بلکہ پڑوسی قصبوں سڑلگی، گیرسوپا اور ہلدی پور وغیرہ سے بھی بچے دینی تعلیم حاصل کررہے ہیں۔