بھٹکل انجمن پی یو اور ڈگری کالج کے حصارمیں نوتعمیرشدہ سڑکوں کا افتتاح
بھٹکل:11؍ اپریل(ایس اؤ نیوز)انجمن پی یو کالج اور ڈگری کالج کے حصار میں نوتعمیر شدہ سڑکوں کا انجمن حامئی مسلمین بھٹکل کے نائب صدر محمد صادق پلور، جنرل سکریٹری صدیق اسماعیل اور ایڈیشنل جنرل سکریٹری اسحق شاہ بندری کےہاتھوں فیتہ کاٹتے ہوئے افتتاح عمل میں آیا۔
افتتاح کے موقع پر انجمن کےجنرل سکریٹری صدیق اسماعیل نے بتایا کہ انجمن ، اپنے خیر خواہوں کے تعاون سے تعلیمی ماحول کو فروغ دے رہی ہے۔ تعلیمی معیار کے ساتھ ساتھ عمارتوں کو خوبصورت بنانے اور سڑکوں کی تعمیر کا کام بھی جاری ہے۔کالج کی عمارت میں رنگ اور ٹائلس بچھانے کے لئے جہاں ڈاکٹر اسماعیل قاضیاء کا تعاون رہا وہیں آج ہم نے جس روڈ کا افتتاح کیاہےاس میں ابراہیم قاضیا کا خاصہ تعاون حاصل رہاہے ۔ اس موقع پر انجمن کی جانب سے دونوں حضرات کے ساتھ سبھی خیرخواہوں کا شکریہ ادا کیا گیا۔
پی یوکالج پرنسپال پروفیسرمحمد یوسف کولا نے بتایا کہ پی یو کالج عمارت کورنگ لگانے اور ٹائلس بچھاکر تزئین کرنے کے بعد ایک چھوٹا سا خوبصورت باغ بھی سجایاگیا ہے۔ پی یو اور ڈگری کالجوں کو مزید خوبصورت بنانے کےلئے سڑکوں کی تعمیر نو کا کام شروع کیاگیاتھا ۔ الحمد للہ اس کی تکمیل پر یہ مختصر افتتاحی تقریب منعقد کی گئی تھی۔ جس پر ہم سبھی عطیہ کنندگان کا شکریہ ادا کرتے ہیں۔ اس موقع پر کالج بورڈ سکریٹر ی ڈاکٹر سید سلیم ، ڈگری کالج پرنسپال مشتاق شیخ اور پی یوکالج کے اساتذہ وغیرہ موجود تھے۔