بھٹکل:6؍ستمبر(ایس اؤ نیوز)بھٹکل زون میں قانونی نظام کو برقرار رکھتےہوئے اس کو مزید بہتر بنانا اور جرائم کی روک تھام کرنا میری پہلی ترجیح ہوگی، یہ بات بھٹکل کے نئے اے ایس پی نکھیل بی نے بتای۔
وہ بھٹکل سب ڈویژن میں اپنے عہدے کا چارج لینےکے بعد ساحل آن لائن سے بات کررہے تھے انہوں نے کہاکہ بھٹکل زون کے ہوناور سمیت مختلف پولس تھانوں کا دورہ کرچکا ہوں۔ علاقے میں قومی شاہراہ کی تعمیرکاکام جاری ہے، یہاں زیادہ تر ٹرافک نظام کا مسئلہ ہونے کی اطلاع ہے، سنئیر اور جونئیر افسران کے تعاون سے مسئلہ کا حل نکالنےکی کوشش کرونگا۔ اس سلسلےمیں عوام سے تعاون کرنےکی اپیل کی ۔ ڈاونگیرہ سے تعلق رکھنے والے نکھیل 2017بیچ کے آئی پی ایس افسر ہیں۔ اپنے پروبیشنری مدت کے دوران رائچور میں خدمات انجام دیتےہوئے جوے بازی اور ریت سپلائی پر روک لگانے میں کامیاب ہونےپر ان کی ستائش کی گئی تھی ۔ اور گزشتہ لوک سبھا انتخابات کے دوران بھی بہتر خدمات انجام دیتےہوئے اپنے اعلیٰ افسران کی طرف سے ستائشی سند حاصل کرچکے ہیں۔