بھٹکل تعلقہ میں بجلی کٹوتی مسئلہ کو لےکر رکن اسمبلی کی ہسکام افسران کے ساتھ میٹنگ
بھٹکل:27؍جون(ایس اؤ نیوز)بھٹکل تعلقہ میں بجلی کٹوتی کا مسئلہ سنگین رخ اختیار کرتے دیکھ کر رکن اسمبلی سنیل نائک نے بجلی سپلائی مسئلہ کو لےکر ہسکام دفتر میں ہسکام افسران کے ساتھ میٹنگ کی اور مسئلہ جلد از جلد حل کرنےکاحکم دیا۔
میٹنگ میں بجلی کٹوتی کے مسئلہ پر تفصیلی گفتگو کرنے کے بعد رکن اسمبلی نے بھٹکل ہوناور ودھان سبھا حلقہ میں پنڈت دین دیال بجلی منصوبہ اور سوبھاگیہ منصوبے کے متعلق بھی جانکاری حاصل کی۔ اس موقع پر انہوں نے بیندور سے بھٹکل کے لئے 110 کے وی بجلی سپلائی لائن منصوبہ منظور ہونے کے باوجود کام میں ہورہی دیری کے متعلق بھی معلومات حاصل کیں۔ اور افسران کو حکم دیا کہ اس سلسلے میں بھٹکل تعلقہ کی ہسکام آفس میں ہسکام افسران کے ساتھ میٹنگ طئے کرتے ہوئے سپلائی لائن کام کے متعلق مناسب اقدام اٹھانے کی بات کہی۔ میٹنگ میں محکمہ کے افسران موجود تھے۔