ہوناور:3؍اگست (ایس اؤ نیوز) تعلقہ میں سیلاب سےمتاثرہ علاقے کھروا اور ہڈین بال گرام پنچایت حدود میں سیلاب کے دوران فوری کارروائی کے لئے بھٹکل کے رکن اسمبلی سنیل نائک نے ذاتی خرچ پر دو کشتیوں کا عطیہ دیا ہے۔
کشیتوں کو عطیہ کرنےکے بعد ہڈین بال کے سرکاری ہائی اسکول میں منعقدہ پروگرام میں بات کرتےہوئے سنیل نائک نے کہا کہ سیلاب کی وجہ سے یہ علاقہ سب سےزیادہ متاثر ہوتاہے۔ پچھلے سال جب سیلاب آیا تھا تو ٹونکا سےکشتی لائی گئی تھی ، سیلاب سے متاثر ہونےو الے علاقےکی پنچایتوں میں چار کشتیوں کی ضرورت ہے، فی الحال دو کشتیاں ذاتی طورپر دیا ہوں اور کتنی کشتیوں کی ضرورت ہے بتائیے گرام پنچایت کی طرف سے انتظام کرنےکہاجائے گا۔ اگر گرام پنچایت کی طرف سے نہیں ہوا تو میں اپنے ذاتی خرچ پر دینے کا تیقن دیا۔ انہوں نے کہا کہ ہمیں سیلاب جیسےموقعوں پر سیاست نہیں کرنی چاہئے، تفریق کےبغیر ہرایک کو متحد ہوکر کام کرنےکی ضرورت ہے۔
سی پی آئی شری دھر ایس آر کہا کہ سیلاب کے موقع پر فوری کام کے لئے ایک بوٹ کی سخت ضرورت تھی جس کو مقامی رکن اسمبلی نے مہیا کیا ہے ، انہوں نے اب گرام پنچایت کی طرف سے لائف جاکٹ اور رنگ کا انتظام کرنےکی صلاح دی۔
گرام پنچایت ممبر سچن شیٹھ نے استقبال کیا گنپتی بی ٹی نے شکریہ اداکیا۔ تعلقہ پنچایت ممبر آر پی نائک، ہرییپا نائک، وگھنیشور ہیگڈے ، منجوناتھ نائک، ونایک نائک وغیرہ موجود تھے۔
شیورام ہیبار کو وزیر بنائیں : پروگرام کے بعد اخبارنویسوں سے گفتگو کرتے ہوئے سنیل نائک نےکہاکہ میں وزارت کا خواہش مند نہیں ہوں ، انہوں نے خواہش ظاہر کی کہ پارٹی کو اقتدار دلانے میں تعاون کرنے والے شیورام ہیبار کو وزیر بنائیں۔ انہوں نے کہاکہ کانگریس سےنکل کر بی جےپی کو اقتدار پر بٹھانے میں شیورام ہیبار کا بہت بڑا کردار ہے، وہ وزارت کے مستحق ہیں ، انہی کو وزیر بنانے کی مانگ کی۔