بھٹکل: احمد سعید جمعہ مسجد ہُرلی سال کا سنیچر بعدنماز عصر تعمیر نو کی افتتاحی تقریب : عوام الناس سے شرکت کی اپیل
بھٹکل:17؍ مارچ (ایس اؤ نیوز )احمد سعید جمعہ مسجد ہرلی سال کا 18مارچ 2023بروز سنیچر بعدنماز عصر تعمیر نو کا افتتاح ہوگا جس میں جماعت اسلامی ہند کرناٹک کے سابق امیر حلقہ اطہر اللہ شریف مہمان خصوصی کے طور پر شریک ہوں گے۔
جماعت اسلامی ہند بھٹکل کے امیر مقامی مولانا سید زبیر کی جانب سے جاری کردہ پریس ریلیز میں کہاگیا ہے کہ ہرلی میں احمد سعید جمعہ مسجد کی توسیع کی گئی ہے۔ تعمیر نوکا افتتاح سنیچر بعد نماز عصر ہوگا ۔ اس موقع پر ایک تقریب بھی منعقد ہوگی جس میں مرکزی خلیفہ جماعت المسلمین بھٹکل کے چیف قاضی مولانا خواجہ معین الدین اکرمی مدنی استقبالِ رمضان پر خطاب کریں گے تو کرناٹک کے سابق امیر حلقہ اطہر اللہ شریف جماعت اسلامی ہند کی جدوجہد کے 75سال کے عنوان پر روشنی ڈالیں گے۔ اس موقع پر عوام الناس سے کثیر تعداد میں شریک ہونے کی اپیل کی گئی ہے۔