بھٹکل کے کوگتی تالاب علاقے میں کچرے کا ڈھیر : کچرے میں ملے کرنٹ بل اور شناختی کارڈ کی نقول پولس کے حوالے : عوامی احتجاج اور سخت کارروائی کامطالبہ
بھٹکل:07؍دسمبر(ایس اؤ نیوز)گاؤں، گھر ، دکانوں کا کچرا لاکر کوگتی تالاب کے اطراف جمعہ کی رات انجانوں کی طرف سے پھینکے جانے پر علاقہ کے عوام نے سخت برہمی کا اظہار کرتےہ وئے جائے وقوع پہنچ کر احتجاج کیا۔
سیکڑوں برسوں سے کوگتی کا تالاب علاقے کے عوام کے لئے پانی کا اہم ذریعہ رہاہے، قریب میں گونڈ سماج کی مندر بھی ہے ، مذہبی طورپر اپنی ایک شناخت رکھنےو الے کوگتی تالاب کے اطراف کئی کنوئیں ہیں، علاقے میں مختلف دھرموں کے لوگ رہائش پذیر ہیں، کچرے کو لاکر تالاب کے اطراف پھینکے جانے کو برداشت کرنا ممکن نہیں ہے۔ مسئلہ کو لےکر میونسپالٹی والوں کو کئی مرتبہ بتایا مگر کوئی کارروائی نہیں ہوپارہی ہے، اس موقع پر وہاں کئی طبقات کے لوگ شامل ہوکر احتجاج کیا۔ اور کہاکہ یہ ذات پات، دھرم کا مسئلہ نہیں ہے بلکہ یہ عوامی صحت کا مسئلہ ہے، جوکوئی یہاں کچر ا پھینکے رہے ہیں ان کے خلاف سخت کارروائی کا مطالبہ کیا۔ حالات بگڑتے دیکھ کر بھٹکل شہری تھانہ پی ایس آئی ہنومنت کوڈگونٹی اپنے عملے کے ساتھ جائے وقوع پہنچ کر برہم عوام کو مطمئن کرنے کی کوشش کی۔ کچرے کے متعلق ہم نے میونسپالٹی کو میمورنڈم دیا ہے، اس کی نقل پولس محکمہ کو بھی دیں گے ، علاقے میں امن وامان باقی رکھنے کے لئے جو بھی ناکارہ لوگ کچرا پھینک رہے ہیں ان کے خلاف کارروائی کا مطالبہ کرتےہوئے دھمکی دی کہ اگر کارروائی نہیں ہوئی تو سخت احتجا ج کیاجائےگا۔
سنیچر کی صبح ہوتے ہوتے تالاب کے اطراف پھینکے گئے کچرے کی صاف صفائی ہوتے دیکھاگیا۔ اس سلسلے میں مقامی مکین سرفراز کا کہنا ہے کہ تالاب گدلا ہوگیا تو پوراعلاقہ متاثر ہوگا، بلدیہ افسران کی ذمہ داری بنتی ہے کہ وہ مناسب کارروائی کریں، اگر کل کو حالات بگڑتے ہیں تو اس کے لئے وہی ذمہ دار ہونے کی بات کہی۔ کوگتی کے مکین راماگونڈ نے بتایا کہ ہم نے کئی مرتبہ اس سلسلے میں آوازاٹھائی ،مگر کوئی سننے والا نہیں ہے، بعض دفعہ یہاں کچرے کا ڈھیر ہوتاہے، البتہ جمعہ کو جو کچرا پھینکا گیا ہے اس میں کرنٹ کا بل، شناختی کارڈ کی نقول وغیرہ ملی ہیں وہ سب ہم نے پولس افسران کو دیا ہے، جو کوئی یہاں کچرا پھینک رہا ہے ان کی شناخت کرکے سزادینے کی مانگ کی۔
بلدیہ صحت عامہ کی افسر سوجیا سومن نے معاملے کو لےکر کہاکہ کوگتی علاقے میں کچرے کے متعلق جیسے ہی ہمیں اطلاع ملی تو سنیچر کو ہم نے وہاں عملہ بھیجا تھا، لیکن تب وہاں سب کچھ صاف کیا گیا تھا۔ آئندہ سے جو بھی کچرا پھینکیں گے ہم ان کے خلاف سخت کارروائی کرنے کی بات کہی۔