بھٹکل:کنڑا ساہتیہ پریشد کے زیراہتمام طلبا کے درمیان قومی گیت اور تقریری مقابلوں کا انعقاد
بھٹکل:16/اگست (ایس اؤنیوز)یومِ آزادی کی مناسبت سے بھٹکل ساہتیہ پریشد اور بینا وئیدیا تعلیمی ادارے کے اشتراک سے بینا وئیدیا پرائمری اور ہائی اسکول طلبا کے درمیان دیش بھگتی گیتوں کا مقابلے کا اہتمام کیا گیا ۔
مقابلے میں بینا انٹرنیشنل پبلک اسکول کے قریب 48طلبا نے مقابلہ میں شریک ہوکر اپنے فن کاری کامظاہرہ کیا۔ پریشد کے اعزازی سکریٹری ایم پی بھنڈاری نے انتظامی امور کی نگرانی کی تو ادارے کی ڈائرکٹر پشپلتا ایم ایس نے مقابلے میں جیت حاصل کرنے والوں کے درمیان بطور انعامات کتابیں اور اسناد کی تقسیم کی ۔ آر این ایس پی یو کالج کے لکچرر ایم ایس ہیگڈے نے ممتحن کے فرائض انجام دئیے ۔ پریشد کے صدر گنگا دھر نائک نے تمام طلبا کو مبارکبا دی دی۔
اسی طرح کا ایک اور پروگرام سرکاری ہائی اسکول بیلکے میں بھی منعقد کیا گیا ۔ جہاں دیش بھگتی گیتوں کے ساتھ تقریری مقابلہ بھی منعقد کیا گیا ۔ تقریری مقابلے میں پرمود پدمیا نائک، تلک بھاسکر نائک، تارا انپا نائک نے بالترتیب اول ، دوم اور سوم انعام حاصل کیا۔ طلبا کے درمیان اسکول کے صدر مدرس چندرکانت گاؤنکر نے انعامات اور اسناد کی تقسیم کی۔ پریشد کے منتظم سکریٹری پرکاش شرالی نے پروگرام کی نگرانی کی۔
