بھٹکل نیوشمس اسکول میں آئی سی ایس ای دسویں کے امتحانات 27فروری سے شروع
بھٹکل:26؍فروری(ایس اؤ نیوز) 27فروری سے آئی سی ایس ای نصاب کے دسویں کے امتحانات شروع ہورہےہیں۔ اترکنڑا ضلع کے دو اسکولوں کا امتحانی مرکز جامعہ آباد روڈ پر واقع نیو شمس اسکول کو بنایاگیا ہے۔ جہاں کل 64طلبا آئی سی ایس ای نصاب کےمطابق دسویں کے امتحانات لکھیں گے۔امتحانات کے پیش نظر تیاریاں پوری ہونےکی اسکول کی صدر مدرسہ فہمیدہ ملا نے پریس ریلیز کے ذریعے جانکاری دی ہے۔
نیو شمس اسکول کے امتحانی مرکز میں بائیلور پنچایت حدود کی بینا وئیدیا انٹر نیشنل اسکول کے 18اور نیو شمس اسکول بھٹکل کے 46طلبا و طالبات سمیت کل 64طلبا امتحانات کے پرچے لکھیں گے۔ پریس ریلیز کے مطابق امتحانات 27فروری سے 30مارچ تک ہونگے۔
خیال رہے کہ اترکنڑا ضلع میں صرف تین اسکول ہیں جو آئی سی ایس ای نصاب کے تحت چلتے ہیں ۔اور یہ تینوں اسکول بھٹکل تعلقہ کے نیو شمس اسکول بھٹکل ، بینا وئیدیا اسکول مرڈیشور اور ودیا نجلی اسکول بھٹکل ہیں۔