بھٹکل: 29/جون(ایس او نیوز)تعلقہ میں بارش کا سلسلہ جاری ہے، ندی ، نالے پوری تاب کے ساتھ بہہ رہے ہیں۔ بدھ کی رات کو ہوئی بارش کے نتیجے میں درختوں اور بجلی کے کھمبے ایک کے بعد گرنے لگے ہیں، قومی شاہراہ سے متصل شفاء کراس کے قریب ایک درخت جڑ سمیت اکھڑ گیا ہے۔
درخت کے گرنے سے 2بجلی کے کھمبے ٹکڑے ہوکر زمین پر آگئے تو درخت کی شاخیں پاس کے گھر پر گرنے سے گھر کو نقصان پہنچا ہے البتہ کوئی جانی نقصان نہیں ہواہے۔ گھر کے مالک کی شناخت نعیم کی حیثیت سے کی گئی ہے۔ جائے وقوع پر پہنچے ہسکام عملے نے شاخوں وغیرہ کو نکال کر بجلی کنکشن کو درست کیا۔ تعلقہ کے منڈلی میں بارش کی وجہ سےسبرائے دیواڑیگا نامی کے گھر کی دیوار گری ہے ۔تحصیل افسران جگہ کا دورہ کرتے ہوئے جائزہ لیا ہے۔
بدھ کی صبح سے جمعرات کی صبح8بجے تک کل 103ملی میٹر بارش کی پیمائش کی گئی ہے۔ کل بارش کی پیمائش 1286.7ملی میٹر بتائی گئی ہے۔ سیاہ بادل تعلقہ میں ہنوز باقی ہیں جس کے نتیجے میں جمعہ کو بھی بارش کا سلسلہ جاری ہے،محکمہ موسمیات نے بارش کی پیمائش میں مزید اضافے کا امکان ظاہر کیا ہے۔