بھٹکل سرکاری اسپتال کی جانب سے معروف تاجر یونس قاضیا کی تہنیت

Source: S.O. News Service | By Abu Aisha | Published on 20th February 2020, 12:13 AM | ساحلی خبریں |

بھٹکل:19؍فروری(ایس اؤ نیوز) بھٹکل کی سرکاری اسپتال کی عمارت کو پینٹنگ کے تمام اخراجات ادا کرنے اور اسپتال کو خوبصورتی بخشنے پر   بھٹکل کے مشہورو معروف تاجر اور بھٹکل مسلم خلیج کونسل کے جنرل سکریٹری جناب محمد یونس قاضیا کے خدمات کی سراہنا کرتے ہوئے  بھٹکل سرکاری اسپتال کی جانب سے شال پوشی کرتے ہوئے تہنیت کی گئی اور   ان کا شکریہ ادا کرتے ہوئے تشکرنامہ پیش کیا گیا۔

قومی شاہراہ سے متصل رنگین کٹے پر واقع ’مولانا بنگلو ‘ میں منعقدہ تقریب میں بھٹکل سرکاری اسپتال کی  جانب سے سنئیر ڈاکٹر ستیش  اوڑھائی ، بعد میں انہوں نے ہار بھی پہناتے ہوئے  ان کی تہنیت کی ۔میڈیکل  آفسر ڈاکٹر سویتا کامتھ نے  تشکر نامہ پڑھ کر سناتے ہوئے آئندہ بھی اسپتال کے لئے اپنا تعاون جاری رکھنے کی اُمید ظاہر کی۔

 تہنیت قبول کرنے کے بعداخبارنویسوں سے  گفتگو کرتےہوئے یونس قاضیا نے بتایا کہ بھٹکل میں میڈکل کے میدان کو لےکر کافی مسائل ہیں۔ اس کو لے کر ہماری میٹنگوں میں باتیں بھی ہوتی رہی ہیں مگر ابھی تک ہمیں کامیابی نہیں ملی ہے۔ فی الحال بھٹکل سرکاری اسپتال کی طرف سے جو خدمات انجام دی جارہی ہیں وہ ستائش کے قابل ہیں۔ انہوں نے بھٹکل کے بالخصوص مسلمانوں سے اپیل کی کہ وہ اپنی ذہنیت کو بدلیں اور علاج معالجہ کے لئے سرکاری استپال سے استفادہ کریں۔انہوں نے کہا کہ سرکاری اسپتال کے لئے ہم نے جو کچھ چھوٹا موٹا تعاون کیا ہے،  یہ صرف شروعات ہے، انہوں نے  یقین دلایا کہ  آئندہ دنوں میں بھٹکل این آر آئیز کا ایک وفد اسپتال کا دورہ کرے گا اور  مزید سہولیات فراہم کرنے کی کوشش کی جائے گی۔ اس موقع پر سماجی کارکنان   نذیر قاسمجی ، نثار رکن الدین وغیرہ موجود تھے۔

 

ایک نظر اس پر بھی

بھٹکل میں 72 ویں یوم جمہوریہ کی خوبصورت تقریب؛ بھٹکل کے بی جے پی رکن اسمبلی نے کوویڈ کے موقع پر ہیلتھ ورکروں کے ساتھ تنظیم کی بھی خدمات کا کیا اعتراف

جس طرح ملک بھر میں آج 26 جنوری کےموقع پر یوم جمہوریہ کی 72 ویں تقریب  منعقد ہوئی، بھٹکل میں بھی  سرکاری اداروں، پرائیویٹ اداروں، اسکولوں اور کالجوں میں  بھی پورے اہتمام کے ساتھ اس تقریب کا انعقاد کیا گیا۔ ہر سال کی طرح امسال بھی بھٹکل تعلقہ انتظامیہ کی جانب سے  صبح 9 بجے بھٹکل ...

زرعی قوانین کی مخالفت میں بنگلورو سمیت ریاست کےمختلف مقامات پر کسانوں کی دھاڑ: ٹریکٹرپریڈ کے ذریعے مرکزی اور ریاستی حکومت سے زرعی قوانین واپس لینے کامطالبہ

مرکزی حکومت کی تین زرعی قوانین اور ریاستی حکومت کے اراضی قانون میں کی گئیں ترمیمات کو  واپس لینے پرزور دیتے ہوئے ریاست کے صدر مقام بنگلورو سمیت مختلف مقامات پر کسانوں نے بڑے پیمانےپر ٹریکٹر پریڈ کا اہتمام کرتےہوئے بی جےپی اقتدار والی حکومتوں کے خلاف اپنی سخت برہمی کا ...