بھٹکل : سنیچر کو اڈپی میں منعقدہ پروگرام میں عوام الناس کو شریک ہونے کی اپیل کرتے باگلکوٹ کے ناگراج پیدل پہنچے بھٹکل : نورمسجد کے باہر عوام کو دی دعوت

Source: S.O. News Service | By Abu Aisha | Published on 13th May 2022, 9:03 PM | ساحلی خبریں |

بھٹکل:13؍اپریل  (ایس اؤ نیوز) سنیچر 14 مئی کو اُڈپی میں منعقدہونے والے قومی ہم آہنگی جلوس اور بقائے باہم اجلاس کی تشہیر کرتے اور عوام کو قومی بھائی چارگی و آپسی میل جول کا پیغام دیتے ہوئےباگلکوٹ سے پیدل یاترا پر نکلے سماجی کارکن ناگراج کلگوٹکر جمعہ کی نماز کے وقت بھٹکل پہنچے اور نورمسجد کے باہر کھڑے ہوکر عوام کو اجلاس کے فولڈرس تقسیم کرتے ہوئے انہیں اڈپی پروگرام میں شریک ہونے کی دعوت دی۔

8مئی کو باگلکوٹ سے نکلے ناگراج 425 کلومیٹر کا فاصلہ پیدل طئے کرتے ہوئے اڈپی اجلاس میں شریک ہونگے۔ ہبلی، یلاپور، انکولہ، کمٹہ ، ہوناور سے ہوتے ہوئے 13مئی کی صبح بھٹکل پہنچے تو نورمسجد کے باہر نور اسپورٹس سینٹر کے نوجوانوں نے  ان کا استقبال کیااس موقع پر جمعہ کی نماز کے بعد انہوں نے سہ بالوے سماویش کے تعارفی فولڈر کی تقسیم کرتےہوئے عوام کو اجلاس میں شریک ہونے کی دعوت دی۔بعد میں وہ دفتر ساحل آن لائن پہنچے اور اخبار نویسوں سے گفتگو کرتے ہوئے اڈپی پروگرام کے انعقاد کے متعلق جانکاری دی اور بتایا کہ اڈپی کے سماویش میں کم و بیش بیس ہزار افراد شریک ہونے کی توقع ہے۔

بعد میں وہ بھٹکل سے اُڈپی کے لئے نکل گئے۔بھٹکل پہنچ کر انہوں نے آٹو ڈرائیوروں ، راہ گیروں اور دکانداروں وغیرہ کو بھی پروگرام میں شریک ہونے کی دعوت دی۔ اس سے قبل وہ ہوناور میں بھی ایئکو بیچ پہنچ کر عوام کے درمیان سہ بالوے کے تعارفی فورلڈرس تقسیم کئے۔

بھٹکل میں اخبار نویسوں سے گفتگو کرتے ہوئے کہا کہ مرکزی اور ریاستی حکومتیں فرقہ پرستوں کی پشت پناہی کرتےہوئے ملک میں مذہبی منافرت کو پھیلا رہی ہیں ، ان حالات میں سبھی مذاہب کے لوگوں کا فرض بنتا ہے کہ وہ مذہب کی بنیاد پر تقسیم نہ ہوں بلکہ متحد ہوکر اس ملک کی ترقی کے لئے کام کریں ۔ اسی پیغام کو عوام تک پہنچانے کےلئے اُڈپی میں ریاستی سطح کا اجلاس منعقد کیا جارہاہے جس میں سبھی مذاہب کے پیشوا اور قائدین شریک ہوکر بقائے باہم کو مضبوط کریں گے۔

خیال رہے کہ ناگراج جیواسپاٹیکل انجنئیرہیں جو فی الوقت سوچھ ودھان سبھا ابھیان میں مصروف ہیں۔ گذشتہ برس انہوں نے چامراج نگر سے دہلی تک6 ہزار کلومیٹر کا فاصلہ پیدل طئے کرتےہوئے کسان احتجاج میں شریک ہوئے تھے۔

ایک نظر اس پر بھی

بھٹکل کے قریب شیرور سمندر میں بوٹ ڈوب گئی؛ کئی گھنٹوں تک پتہ نہ چلنے کے بعد دوسری بوٹ کے ذریعے ماہی گیر کنارے پہنچنے میں کامیاب

پڑوسی علاقہ شیرور (ضلع اُڈپی)  سمندر میں  ماہی گیری بوٹ ڈوب جانے سے ماہی گیر بُری طرح سمندر میں پھنس گئے تھے، مگر فوری طور پر دوسری بوٹ ان کی مدد کو پہنچ گئی اور پانچوں ماہی گیروں کو بچاکر کنارے لانے میں کامیاب ہوگئی۔ واردات اتوار شام قریب ساڑھے چار بجے کی ہے۔ 

بھٹکل تعلقہ میں بارش سے پیش آنے والے حادثات کے موقع پر فوری کارروائی کے لئے نوڈل افسران نامزد

سال 2022کےمانسون  بارش کے دوران بھٹکل تعلقہ میں پیش آنے والے سماوی حادثات کے موقع پر فوری توجہ دیتے ہوئے امداد پہنچانے اور تعلقہ کی مکمل نگرانی کی سخت ضرورت  رہتی ہے۔تعلقہ میں موسلادھار یا تیز بارش کی وجہ سے عوام کو ہونے والی مشکلات و پریشانی ، جانی ، مالی ،جانوراور فصل کے ...