بھٹکل:11؍نومبر(ایس اؤ نیوز)بھٹکل سے گزرنے والی قومی شاہراہ فورلین کے بینگرے ماوین کٹے علاقےمیں لنک روڈ تعمیر کرنے کا مطالبہ لےکر علاقے کے دیہی عوام نے پیر کو بھٹکل اسسٹنٹ کمشنر کو میمورنڈم پیش کیا۔
قومی شاہراہ فورلین سے متصل دیہاتوں میں قریب 8000عوام رہائش پذیر ہیں، متعلقہ علاقوں سے روزانہ عوام اپنی روزمرہ کی ضروریات کے لئے ، اسکولوں اور کالجوں کے لئے لڑکے لڑکیاں آتے جاتے رہے ہیں ، بتائے گئے علاقے میں بس اسٹانڈ ، اندرونی نالیوں کا نظام نہیں ہونے سے سواریاں نشیبی علاقوں کے گھروں اور زرعی زمین میں گھس جاتے ہیں، فورلین کا تعمیری کام شروع ہونے سے مسئلہ اور بھی بڑھ گیا ہے، بہت پہلے سے بھی ماوین کٹاکا علاقہ اطراف کے دیہاتوں کے لئے مرکز رہاہے، اب کراسنگ روڈ نہیں ہونے سے عوام بہت ہی پریشان ہیں، شاہراہ کے دونوں کنارے کافی ررعی زمینات ہے کسانوں کے لئے اپنے اشیاء لے جانا ممکن نہیں ہے۔ آنگن واڑی ، اسکول، کالج کے طلبا کو خطرہ ہے، بجلی کا صحیح انتظام نہیں ہے۔ فورلین لائن کے لئے عوام نے اپنی زمینات کھوئے ہیں ، شاہراہ اتھارٹی اس کو دھیان میں رکھتے ہوئے متاثرین عوام کے ساتھ انصاف کرے۔ ماوین کٹا میں کراسنگ روڈ تعمیر کا مطالبہ کیاگیا ہے۔ اے سی کی غیر موجود گی میں اے سی دفتر کے آفیسر ایل اے ہیگڈے نے میمورنڈم قبول کیا۔ تعلقہ پنچایت وشنو دیواڑیگا، اننت نائک، گنپتی نائک، انپا دیواڑیگا، پندلک نائک، سدانند نائک وغیرہ موجود تھے۔