بھٹکل:28؍نومبر(ایس اؤ نیوز) کرناٹکا یونیورسٹی دھارواڑ کی جانب سے سال 2020-2019میں منعقدہ ایم اے کنڑا فائنل ائیر کے امتحانات میں انجمن ڈگری کالج اینڈ پی جی سنٹر کے سبھی طلبا کامیاب ہونے سے کالج کو 100فی صد نتائج حاصل ہوئے ہیں۔ خاص بات یہ ہےکہ سبھی طلبا امتیازی نمبرات سے کامیا ب ہوئے ہیں۔
کالج کی طرف سے امتحان میں فائنل ائیر کے 9طلبا و طالبات شریک ہوئے تھے اور تمام نے امتیازی نمبرات سے کامیابی حاصل کی۔
انجمن کی جانب سے جاری کردہ پریس ریلیز کے مطابق کالج کی سطح پر نیہا آدم کادو نے 80فی صد نمبرات کے ساتھ اول مقام حاصل کیا، ناگراج پانڈورنگا موگیر 79فی صد نمبرات کے ساتھ دوم اور عائشہ تسلیم صادق نے 78.60فی صد کے ساتھ تیسرا مقام حاصل کیا ہے۔
دیگر کامیاب ہونے والوں میں رہینہ بیگم، جئےلکشمی گونڈا، مالا نائک، ہریش نائک، رحمت النساء اور کلپنا شامل ہیں۔ کامیاب طلبا کو انجمن حامئی مسلمین بھٹکل کے عہدیداران، پرنسپال اور لکچرر وغیرہ نے مبارکبادی پیش کی ہے۔