بھٹکل انجمن صدسالہ جشن کی مناسبت سے انجمن پی یوکالج فارویمن کے زیراہتمام کوئز مقابلے اور فوڈ فیسٹول کا کامیاب انعقاد
بھٹکل:03؍دسمبر(ایس اؤ نیوز)انجمن حامئی مسلمین بھٹکل کے صد سالہ جشن کی مناسبت سے خدیجہ سید علی کیمپس میں 2دسمبر 2019بروز اتوار انجمن پی یو کالج فار ویمن کے زیر اہتمام میگاکوئز مقابلے اور فن اینڈ فوڈ فیسٹول کا کامیاب انعقاد ہوا۔
تقریب میں شمس اسکول کی پرنسپال محترمہ فہمیدہ ڈاٹا نے بحیثیت مہمان ِ خصوصی اپنے خیالات کا اظہار کیاتو مرڈیشور نیشنل پی یوکالج کی پرنسپال محترمہ شبانہ شیخ نے اعزازی مہمان کے طورپر خطاب کیا۔ انجمن صد سالہ جشن زنانہ کمیٹی کی کنونیر محترمہ سیمہ نذیر احمد قاسمجی نے صدارت کی۔ اس موقع پر انجمن پی یوکالج فارویمن بھٹکل کی پرنسپال محترمہ ڈاکٹر فرزانہ محتشم، شعبہ انگریزی کی پروفیسر محترمہ طالعہ معلم، محترمہ صادقہ قاضیا وغیرہ موجود تھے۔
تقریب کا آغاز طالبہ نورا قاضیا کی تلاوت قرآن سے ہوا۔ طالبہ سارہ ایف اے نے ترجمہ پیش کیا۔ متعلمہ حفصہ نے ہدیہ نعت پیش کی ۔ کالج کی طالبات رابعہ ملیحہ اور ان کے ساتھیوں نے ترانہ انجمن پیش کیا ۔ بائیولوجی کی لکچرر شریمتی شریا نے نظامت کے فرائض انجام دئیے ۔ کوئز مقابلہ کی نظامت لکچرر محترمہ نوری اسدی نے کی۔ لکچرر ودیا نائیڈو نے شکریہ اداکیا۔