بھٹکل انجمن انجنئیرنگ کالج کے فائنل ائیر طلبا کا پروجکٹ کرناٹکا اسٹیٹ کونسل فور سائنس اینڈ ٹکنالوجی کے لئے منتخب
بھٹکل :13؍مئی (ایس اؤ نیوز) انجمن انسٹی ٹیو ٹ آف ٹکنالوجی اینڈ مینجمنٹ بھٹکل کے شعبہ الیکٹرانکس اینڈ کمیونکیشن انجنئیرنگ کے فائنل ائیر میں زیر تعلیم طلباکے پروجکٹ کو کرناٹکا اسٹیٹ کونسل فور سائنس اینڈ ٹکنالوجی (KSCST)نے منتخب کرتےہوئے طلبا کی تخلیقی صلاحیتوں کی تصدیق کی ہے۔
انجمن انجنئیرنگ کالج بھٹکل کے شعبہ الکٹرانکس اینڈ کمیونکشن انجنئیرنگ کے فائنل ائیر کے طلبا نے ’’رموٹ مانیٹرنگ اینڈ کنٹرولنگ ہائیڈرو پونکس سسٹم ‘‘کے عنوان پر اپنا پروجکٹ تشکیل دیا تھا۔ کرناٹکا اسٹیٹ کونسل فور سائنس نے سال 2021-22 کی 45ویں سریز کے تحت طلبا کے پروجکٹ کو منتخب کیا ہے۔ کونسل کی طرف سے طلبا کے پروجکٹ کو اسپانسرشپ دئیے جانے سےجہاں طلبا کو حوصلہ و ہمت افزائی ہوتی ہے وہیں طلبا کی مخفی صلاحیتوں کو پروان چڑھانے میں مدد ملتی ہے۔ پروجکٹ کو فائنل ائیر کے طلبا محمد ، سید فوہیربرماور، سید اسماعیل اور زہیر نے شعبہ کے اساتذہ ڈاکٹر ٹی ایم پی راج کمار اور پروفیسر سہیل شاہ کی رہنمائی میں تشکیل دیاہے۔ اس موقع پر انجمن حامئی مسلمین بھٹکل کی انتظامیہ ، کالج پرنسپال ، اساتذہ اورہم جماعت ساتھیوں نے انہیں مبارکبادی پیش کرتے ہوئے نیک تمناؤں کا اظہار کیا ہے۔