بنگلورو،27؍اگست(ایس او  نیوز) بنگلوو ساؤتھ ڈویژن پو لیس نے2شاطر لٹیروں کو گرفتار کر کے ان کے قبضے سے1.5کروڑ روپئے مالیت کے زیورات ضبط کیے ہیں۔اس گرفتاری سے چوری کے51معاملات حل کئے گئے ہیں۔گرفتارشدہ ملزمین کی شناخت تمل ناڈو کے سنتوش (35) اور بنگلور کے روی(35) کے طور پر کی گئی ہے۔

پو لیس کمشنر پرتاپ ریڈی نے تفصیلات پیش کر تے ہو ئے بتا یا کہ سنتوش بی کام تعلیم یافتہ ہے اور پیشہ سے انٹیرئیر ڈیکوریشن کاکام کر رہا تھا۔ انہوں نے بتا یا کہ سنتوش صبح5بجے گھر سے روانہ ہو کر رات دیر گئے گھر لوٹا کر تا تھا۔ اس درمیان تنہا خواتین کا تعاقب کر تے ہو ئے ان کے زیورات لوٹ کر فرار ہو نے لگا تھا۔ انہوں نے بتا یا کہ پو لیس ملز مین کے قبضہ سے ڈھائی کلو وزنی51سونے کے چین،2 پلسر موٹر گاڑیاں،ٹاٹا ایس گاڑی اور ایک کار ضبط کی ہے،جن کی مالیت1.5کروڑ روپئے بتائی گئی ہے۔

پو لیس کمشنر نے بتا یا کہ 4جولائی کی دوپہرڈ یڑھ بجے ایک عورت اپنے بھائی کے ساتھ ارکیرے مائیکو لے آؤٹ میں دودھ خرید کر پیدل جا رہی تھی۔اس دوران موٹر سائیکل سوار لٹیرے عورت کا تعاقب کر تے ہو ئے اس کے گلے سے40گرام وز نی سونے کی چین چھین کر فرار ہو چکے تھے۔ اس سلسلے میں عورت نے پٹنہلی پو لیس تھانے میں شکایت درج کروائی تھی۔انہوں نے بتا یا کہ شہر میں چین چھیننے کے واقعات میں ہو رہے اضافہ کے معاملات کو سنجیدگی کے ساتھ لے کر لٹیروں کو گرفتار کرنے کے لئے پو لیس کی3خصوصی ٹیمیں تشکیل دی گئی تھیں۔

پو لیس کمشنر نے بتا یا کہ مذکورہ پو لیس ٹیمیں چین چھیننے کے واقعات کے مقام پر نصب شدہ خفیہ کیمروں کے فوٹیج کو اپنے قبضہ میں لے کر اس کا مشاہدہ کرنے کے علاوہ دیگر ٹکنیکی جانچ کر تے ہو ئے ملز مین کا سراغ لگا کر پٹنہلی کتنور دنّے بی ایم ٹی سی بس اسٹانڈ سے قریب دونوں ملز مین کی گرفتاری عمل میں لائی۔انہوں نے بتا یا کہ ملز مین وڈاراہلی، مہا لکشمی پورم، ویلی کاول، ایس آر نگر،وجئے نگر، ملیشورم، مارتہلی، ہنو منت نگر، سبرامنی پورہ، دیونہلی، پٹنہلی، ودیارنیا پورہ، مائیکو لے آؤٹ، ہنور،کتنور،سمپیگے ہلی،ہلی ماؤ،یلہنکانیو ٹاؤن،گنان بھارتی، السور،کے آر پورم، باگل گنٹے اور بنگلور دیہی ضلع کی حدود میں آنے والے ہباگڑی،سرجا پور، اتی بیلے،بنر گھٹہ،آولہلی،مادا نائیکنہلی اور رام نگرم ضلع کی حدود میں آنے والے بڑدی،ہاروہلی سمیت32پو لیس تھانوں کی حدود میں چین چھیننے کے51معا ملات میں ملوث پائے گئے ہیں۔

انہوں نے بتا یا کہ ملز مین ہیلمٹ پہن کر موٹر سائیکل پر سوار ہوکر تنہا عورتوں کا تعاقب کر تے ہو ئے ان کے گلے سے سونے کی چین چھین کر فرار ہو نے لگے تھے۔انہوں نے بتا یا کہ ملز مین موٹر سائیکلوں کے نقلی نمبر پلیٹ لگاکر لوٹ مار کے لئے گاڑیوں کا استعمال کر رہے تھے۔انہوں نے بتا یا کہ ساؤتھ ڈویژن کے ڈپٹی کمشنر آف پو لیس کرشنا کانت کی زیر نگرانی سبرامنیا پورہ سب ڈویژن کے اسسٹنٹ کمشنر آف پو لیس پاون کی قیادت میں انسپکٹر منی ریڈی سمیت دیگر پو لیس اہلکاروں کی ٹیم ملز مین کو گرفتار کرنے میں کامیاب رہی ہے۔