بیلتنگڈی : ربڑ کے باغ میں مگرمچھ پکڑا گیا
بیلتنگڈی،5؍ دسمبر(ایس او نیوز) محکمہ جنگلات کے افسران نے کودور میں واقع ایک ربڑ کے باغ میں نظر آنے والے 8 سے 9 فٹ سائز کے مگرمچھ کو پکڑ لیا۔
بتایا جاتا ہے کہ سدا شیوا نامی شخص کی ملکیت والے ربڑ کے باغ میں جو گندے پانی کا نالہ ہے اس کے اندر یہ مگرمچھ دکھائی دیا تھا ۔ مقامی لوگ مگرمچھ کو دیکھ کر خوف زدہ ہوگئے اور انہوں نے محکمہ جنگلات کے افسران کو اس کی اطلاع دی ۔ جس پر کارروائی کرتے ہوئے افسران نے موقع پر پہنچ کر مگرمچھ کو جال میں پھانس لیا اور جنگل میں چھوڑنے کے لئے اپنے ساتھ لے گئے۔
خیال رہے کہ 2019 میں دھرمستھلا کے ڈونڈولے نامی مقام پر ایک مگرمچھ دکھائی دینے کے بعد دیہاتیوں میں خوف و ہراس پھیل گیا تھا جس کے بعد محکمہ جنگلات کے عملہ نے اسے پکڑ کر چارمڈی کے محفوظ جنگل میں چھوڑ دیا تھا۔