عالمی کپ: سری نکا-بنگلہ دیش میچ بھی بارش کی نذر، میچ منسوخ ہونے کا ریکارڈ قائم

Source: S.O. News Service | By Shahid Mukhtesar | Published on 12th June 2019, 10:36 AM | اسپورٹس |

برسٹل،12؍جون (ایس او نیوز؍یو این آئی)  انگلینڈ میں چل رہے آئی سی سی ورلڈ کپ پر بارش کی مار جاری ہے اور منگل کو سری لنکا-بنگلہ دیش کا مقابلہ بارش کی وجہ سے منسوخ کیا گیا اور دونوں ٹیموں کو ایک ایک پوائنٹ ملا۔

ٹورنامنٹ میں تیسرا میچ منسوخ ہو جانے سے یہ عالمی کپ ٹورنامنٹ کی تاریخ میں سب سے زیادہ منسوخ ہو جانے والے میچوں کا ورلڈ کپ بن گیا ہے۔ اس سے پہلے 1992 اور 2003 کے ورلڈ کپ میں دو دو میچ منسوخ ہوئے تھے۔ عالمی کپ میں یہ مسلسل دوسرا دن ہے جب میچ بارش کی وجہ سے منسوخ ہوا ہے۔ اس سے پہلے کل جنوبی افریقہ اور ویسٹ انڈیز کا مقابلہ بھی بارش کی نذر ہو گیا تھا۔

اس ورلڈ کپ میں یہ تیسرا مقابلہ ہے جو بارش کی وجہ سے منسوخ ہوا ہے۔ اس سے پہلے سات جون کو برسٹل میں پاکستان اور سری لنکا کا مقابلہ بغیر کوئی گیند پھینکے بارش کی نذر ہو گیا تھا اور دونوں ٹیموں کو ایک ایک پوائنٹس ملا تھا۔ عالمی کپ میں اب تک 16 میچوں میں سے تین میچ بارش کی وجہ سے منسوخ ہو چکے ہیں اور ان مقابلوں کی ٹیموں کو بغیر کسی نتیجے کے ایک ایک پوائنٹس مل گیا ہے۔

بنگلہ دیش کے چار میچوں میں ایک جیت، دو ہار اور ایک منسوخ کے ساتھ تین پوائنٹس ہو گئے ہیں جبکہ سری لنکا کے ایک جیت، ایک ہار اور دو منسوخ کے ساتھ چار پوائنٹس ہو گئے ہیں۔ میچ منسوخ ہو جانے کے بعد بٹنے والے پوائنٹس کا اس عالمی کپ میں آگے کی ٹیبل پر گہرا اثر پڑے گا۔

عالمی کپ میچوں کے بارش کی وجہ سے اس طرح منسوخ ہو جانے سے کرکٹ شائقین کو بھاری مایوسی کا سامنا کرنا پڑ رہا ہے۔ اس مقابلے میں میچ شروع ہونے سے پہلے ہی بھاری بارش ہونے لگی تھی جس کی وجہ سے ٹاس نہیں ہوا تھا۔ میچ منسوخ ہو جانے سے سری لنکا کے مقابلے بنگلہ دیش کو زیادہ خوشی ہوگی کیونکہ بنگلہ دیش نے اس سے پہلے عالمی کپ کی تاریخ میں سری لنکا کو کبھی نہیں ہرایا تھا۔ سری لنکا اس مقابلے میں جیت کا دعویدار مانا جا رہا تھا لیکن میچ منسوخ ہو جانے سے اسے بھی افسوس ہوا ہوگا۔

سری لنکا کا اگلا مقابلہ اوول میں چمپئن آسٹریلیا کے خلاف ہفتہ کو ہوگا جبکہ بنگلہ دیش کی ٹیم تقریبا ایک ہفتے کے آرام کے بعد پیر کو ٹاؤنٹن میں ویسٹ انڈیز کا مقابلہ کرے گی۔

بنگلہ دیش کے کپتان مشرف مرتضی نے میچ منسوخ ہو جانے کے بعد کہا کہ میدان پر آنا اور نہ کھیل پانا بہت مایوس کن ہے جبکہ سری لنکا کے کپتان دمتھ کرونا رتنے نے کہا کہ اب ان کی ٹیم کو آسٹریلیا کے خلاف اگلے مقابلے کے لئے سخت محنت کرنی پڑے گی۔ کرونا رتنے نے ساتھ ہی کہا کہ ان کی ٹیم کے لئے دو میچوں کا منسوخ ہوجانا کافی مایوس کن ہے۔

ایک نظر اس پر بھی

ہندوستان کی جنوبی افریقہ کے خلاف اننگز اور 137 رن سے بڑی جیت، فریڈم سیریز پر قبضہ

ہندستان نے جنوبی افریقہ کو پہلی بار فالوآن کھیلنے پر مجبورکیا اور گیندبازوں کی شاندار کارکردگی کی بدولت دوسرا ٹسٹ چوتھے دن ہی اتوار کو اننگز اور 137رن سے جیت کر تین میچوں کی سیریز میں دوصفر کی ناقابل تسخیر سبقت حاصل کرلی ۔ ہندستان کی جنوبی افریقہ کے خلاف یہ سب سے بڑی جیت ہے اور ...

انگلینڈ کے آل راؤنڈراسٹوکس بنے پی سی اے کے ’سال کے بہترین کھلاڑی‘

انگلینڈ کے آل راؤنڈر بین اسٹوکس کو پیشہ ورانہ کرکٹروں کے ایسوسی ایشن (پی سی اے) کے ایوارڈز میں ’سال کا بہترین کھلاڑی‘منتخب کیا گیا۔اسٹوکس نے انگلینڈ کو عالمی کپ کا خطاب دلانے میں اہم کردار ادا کیا تھا جس میں وہ جولائی میں نیوزی لینڈ کے خلاف فائنل میں مین آف دی میچ رہے تھے۔28سال ...

دیپا کرماکر زخمی، جمناسٹکس چمپئن شپ میں ہندوستان کے لیے بڑا چیلنج

03/اکتوبر(آئی این ایس انڈیا) زخمی دیپا کرماکر کی غیر موجودگی میں ہندوستانی جمناسٹو کو جمعہ سے یہاں شروع ہو رہی عالمی جمناسٹکس چمپئن شپ میں سخت چیلنج کا سامنا کرنا ہوگا۔ہندوستانیوں کو حالانکہ میڈل کی توقع نہیں ہوگی لیکن وہ اپنی بہترین کارکردگی کرنا چاہتے ہیں۔ اولمپکس کے لیے ...

اظہرالدین حیدرآباد کرکٹ ایسوسی ایشن کے صدر منتخب

ہندوستانی کرکٹ ٹیم کے سابق کپتان محمد اظہر الدین حیدرآباد کرکٹ ایسوسی ایشن(ایچ سی اے) کے صدر کے باوقار عہدہ کیلئے منتخب ہوگئے۔ شہر کے علاقہ اُپل میں واقع راجیو گاندھی انٹرنیشنل کرکٹ اسٹیڈیم میں جمعہ کی صبح ایسوسی ایشن کے انتخابات منعقد ہوئے اور نتائج کا اعلان شام پانچ بجے کیا ...

کرناٹکا اسٹیٹ کرکٹ اسوسی ایشن سے منظورشدہ کرکٹ ٹورنامنٹ میں حصہ لینے کھلاڑیوں کے لئے سنہرہ موقع؛ بھٹکل سمیت ضلع اُترکنڑا کے کھلاڑی ہوسکتے ہیں شریک

کرناٹکا اسٹیٹ اسوسی ایشن (KSCA) سے منظور شدہ کرکٹ ٹورنامنٹ میں  حصہ لینے بھٹکل اسپورٹس اکیڈمی کی جانب سے بھٹکل کی انڈر 14، انڈر 16، انڈر 19 سمیت سنئیر کھلاڑیوں پر بھی مشتمل  دو ٹیموں کو  ترتیب دیا جارہا ہے  جس کے لئے کھلاڑیوں کا انتخاب اُن کی قابلیت ، اُن کے پرفارمینس اور دیگر ...