بیلگام 7/ستمبر (ایس او نیوز) ڈیڑھ سال کا معصوم بچہ پانی سے بھری بالٹی میں گر کر جان بحق ہونے کی واردات منگل کو بیلگام کے مچھے دیہات کے نہرو نگر میں پیش آئی ہے۔ مرنے والے معصوم بچے کی شناخت انیک وشنو وردھن شینگے کی حیثیت سے کی گئی ہے۔

 ذرائع سے ملی اطلاع کے مطابق بچہ گھر میں کھیل رہا تھا جہاں پر پانی سے بھری بالٹی رکھی ہوئی تھی، بچہ کھیلتے کھیلتے کب بالٹی میں جا گرا گھر والوں کو پتہ ہی نہیں چلا، کچھ دیر بعد گھر والوں نے بچے کو بالٹی کے اندر پایا تو فوراً باہر نکالا مگر بچہ اس وقت ہوش میں نہیں تھا، اسے فوری طور پر قریبی اسپتال لے جایا گیا جہاں پہنچنے تک بچے کی موت واقع ہوگئی۔

بیلگاوی مضافاتی پولیس تھانہ میں معاملہ درج کیا گیا ہے۔