جنوبی افریقہ کو شکست دے کرآسٹریلیا آٹھویں بار ورلڈ کپ کے فائنل میں داخل

Source: S.O. News Service | By I.G. Bhatkali | Published on 17th November 2023, 1:31 AM | اسپورٹس |

کولکتہ 16/نومبر (ایس او نیوز): ورلڈ کپ کرکٹ  کے دوسرے  سیمی  فائنل میں آسٹریلیا نے جنوبی افریقہ کو 3 وکٹوں سے شکست دے کر فائنل میں رسائی حاصل کرلی۔ کولکتہ کے ایڈن گارڈن اسٹیڈیم میں کھیلے گئے میچ میں آسٹریلیا نے جنوبی افریقہ کی جانب سے دیا جانے والا 213 رنز کا  ہدف 47.2 اوورز میں 7 وکٹوں کے نقصان پر حاصل کرلیا، اس طرح اسٹریلیا آٹھویں مرتبہ ورلڈ کپ کے فائنل میں پہنچنے میں کامیاب ہوا ہے۔اب  فائنل مقابلہ اتوار کو احمد آباد  میں  ہندوستان  کے ساتھ ہوگا۔

اس سے قبل جنوبی افریقہ کے کپتان ٹیمبا باوما نے ٹاس جیت کر بھاری بادلوں کے نیچے نمی والے  میدان  میں پہلے بیٹنگ کرنے کا فیصلہ کیا۔  میچ کے پہلے ہی اوور میں کپتان ٹیمبا باوما کو صفر کے اسکور    اسٹارک   نے  چلتاکردیا۔کپتان  کے بعد اوپننگ بیٹسمین کوئنٹن ڈی کاک بھی زیادہ دیر پچ پر نہ ٹھہر سکے اور جوش ہیزل ووڈ کی گیند پر پیٹ کمنز کو 14 گیندوں پر 3 رنز بنا کر کیچ تھما بیٹھے، ایڈن مارکرم 10 رنز اور پھر راسی وین ڈیرڈوسن 6 رنز پر ہیزل ووڈ کی گیند پر کیچ آؤٹ ہوگئے۔ جنوبی افریقہ کی پانچویں وکٹ 119 کے مجموعی سکور پر گری جب ہنرک کلاسن 47 رنز بنا کر آؤٹ ہوگئے، البتہ   ڈیوڈ ملر 5 چھکوں اور 8 چوکوں کی مدد سے 101 رنز بناکر افریقہ کو سہارا دینے میں کامیاب ہوئے۔دیگر کھلاڑیوں میں جیرالڈ کوٹزی 19، کیشو مہاراج 4، کاگیسو ربادا 10 اور مارکو جانسن بغیر کوئی رن بنائے پویلین لوٹ گئے۔

اسٹریلیا کی طرف سے کیویزاوپنرز  نے  ٹیم کو اچھا آغاز فراہم کیا ، ڈیوڈ وارنر29 اور ٹریوس ہیڈ 62 رن بنا کر آؤٹ ہوئے، سٹیون سمتھ 30، مارنس لیبشگن 18، جوش انگلیس28 ، گلین میکسویل ایک اور مچل مارش بغیر کوئی رن بنائے پویلین لوٹ گئے۔

واضح رہے کہ آسٹریلین کرکٹ ٹیم نے آئی سی سی ورلڈ کپ کی تاریخ میں آٹھویں مرتبہ فائنل کیلئے کوالیفائی کیا ہے، اس سے قبل بھی کیویز ٹیم 7 مرتبہ ورلڈ کپ کا فائنل کھیل چکی ہے جس میں سے 5 مرتبہ عالمی چیمپئن جبکہ 2 مرتبہ رنر اپ رہ چکی ہے۔

 

ایک نظر اس پر بھی

ہندوستان نے امریکہ کو شکست دی، عالمی کپ کے سوپر 8 میں ہندوستانی ٹیم داخل

روہت شرما کی کپتانی میں ہندوستانی ٹیم نے شاندار کارکردگی کا مظاہرہ کرتے ہوئےٹی 20 عالمی کپ 2024کے سوپر  8 میں داخلہ حاصل کرلیا ہے۔ کل  کھیلے گئے میچ میں ہندوستانی ٹیم نے امریکہ کو 7 وکٹوں سے شکست دی۔ یہ ہندوستان کی مسلسل تیسری فتح ہے۔

ہندوستان نے پاکستان کو دلچسپ مقابلے میں 6 رن سے دی شکست، جسپریت بمراہ کی شاندار گیند بازی

 رشبھ پنت (42) اور اکشر پٹیل (20) کی اننگز اور اس کے بعد گیند بازوں کی بہترین کارکردگی کی بدولت کل ہندوستان نےٹی ٹوئنٹی ورلڈ کپ کے 19ویں میچ میں چھوٹے اسکور کا دفاع کرتے ہوئے پاکستان کو چ6 رنز سے شکست دی۔

کولکتہ نائٹ رائیڈرس نے سن رائیزرس حیدرآباد کو 8 وکٹ سے شکست دیکر تیسری مرتبہ آئی پی ایل ٹائٹل جیت لیا

مچل اسٹارک اور آل روانڈر آندرے رسل کی خطرناک بولنگ کے بعد سلامی بلے باز رحمت اللہ گرباز اور وینکیش ایئر کی شاندار بیاٹنگ کی مدد سے کولکتہ نائٹ رائیڈرس نے آئی پی ایل 2024 کے فائنل میں سن رائیزرس حیدرآباد کو 8 وکٹ سے شکست دیکر ٹائٹل جیت لیا۔

کوالیفائر2 میں سن رائزرز حیدرآباد نے راجستھان رائلز کو 36 رنز سے شکست دے کر فائنل میں پہنچی

ہینرک کلاسن (50)، راہل ترپاٹھی (37) اور ٹریوس ہیڈ (34) کی شاندار اننگز کے بعد گیندبازوں کی عمدہ کارکردگی کی بدولت سن رائزرس حیدرآباد نے جمعہ کو انڈین پریمیئر لیگ کے دوسرے کوالیفائر مقابلے میں راجستھان رائلز کو 36 رنوں سے شکست دے کر فائنل میں پہنچ گئی ہے۔

راجستھان رائلز نے آر سی بی کو دی شکست ، کوالیفائر 2 میں حیدرآباد سے ہوگا مقابلہ

آئی پی ایل 2024 کے ایلیمینیٹر میچ میں راجستھان رائلز یعنی آر آر نے رائل چیلنجرز بنگلور کو 4 وکٹوں سے شکست دے دی ۔ اس کے ساتھ راجستھان نے کوالیفائر 2 میچ میں اپنی جگہ کی تصدیق کر لی ہے، جہاں سنجو سیمسن کی فوج کا مقابلہ سن رائزرس حیدرآباد یعنی ایس آی ایچ سے ہوگا۔