بھٹکل:14؍فروری(ایس اؤ نیوز)تعلقہ کے چوتھنی میں ایک زمین پر غیر استعمال مٹی جمع کی جارہی ہے، جس کے نتیجےمیں پاس پڑوس کی زرعی زمینات کو نقصان پہنچانے کی کوشش کی جارہی ہے۔ متعلقہ مٹی کے ذخیرہ اندوزی پر ورک لگانے کا مطالبہ لے کر دیہی عوام نے بھٹکل اسسٹنٹ کمشنر کو میمورنڈم سونپا۔

میمورنڈم میں تحریر کیا گیا ہے کہ چوتھنی کے سروے نمبر 8-3(ب) 0-08-00زمین پر  ربیع اور مانسون کی فصل اگائی جاتی ہے، متعلقہ زمین کی بازو والی 8۔4 زمین پر کوئی کاشت کاری نہیں ہوتی ہے۔ مالکِ زمین یہاں کچرا، پلاسٹک سمیت آلودہ مٹی کو لاکر ذخیرہ کررہاہے۔ متعلقہ زمین کی کوئی چار دیواری، کمپاؤنڈ نہیں ہے، جس کے چلتےپڑوس والی ہماری زمینات پر  یہ آلودہ مٹی آجاتی ہے، جس کے نتیجےمیں ہمیں کاشت کرنا مشکل ہورہاہے، بارش کے موسم میں یہ علاقہ آب دوز ہوجاتاہے، پانی بہاؤ کے ساتھ کوڑا کرکٹ ہمارے کھیتوں میں آکر شامل ہونےکا خطرہ درپیش ہے، ہوسکتا ہے ہم کاشت کاری سے ہاتھ دھو بیٹھیں۔ میمورنڈم میں  افسران سے اپیل کی گئی ہے کہ وہ متعلقہ زمینات کا معائنہ کرتے ہوئے ذخیرہ کی گئی آلودہ مٹی کو نکال باہرکرنےکے لئے اقدام کرے۔ اس موقع پر ارجن شنکر نائک، راما نائک، کرشنانائک، ایرا نائک، ونایک نائک، ماستیا نائک، ایشور نائک، مدھوکر نائک، لوکیش نائک، ناگراج نائک، شری نواس نائک، جگدیش ، دیپک وغیرہ موجود تھے۔