کمٹہ 11 / جنوری (ایس او نیوز) صبح کے وقت چہل قدمی کے لئے نکلی ہوئی ایک خاتون کی عزت لوٹنے کی کوشش کرنے والے ملزم کو پولیس نے گرفتار کر لیا جس کی شناخت انیل بابو نائک (43 سال) کے طور پر کی گئی ہے ۔

     پرمیلا کامپلیکس کے پاس رہنے والی ایک خاتون کی طرف سے پولیس کے پاس درج کروائی گئی شکایت کے مطابق وہ صبح کی اولین ساعتوں میں چہل قدمی کے لئے نکلی تھی ۔ اچانک بارش شروع ہونے کی وجہ سے وہ پائی کامپلیکس کے قریب کھڑی ہوگئی ۔ اس وقت انیل بابو پائی نے ہاتھ کے اشارے سے اس کو اپنے پاس بلایا ۔ اس نے اس پر کوئی رد عمل ظاہر نہیں کیا تو مبینہ طور پر انیل اس کے قریب پہنچا اور اس کا ہاتھ پکڑ کر اپنی طرف کھینچنے لگا ۔ جب اس نے ہاتھ چھڑانے کے لئے مزاحمت کی تو اس نے اس کے چہرے پر تھپڑ مارنے شروع کیے اور گالیاں بکنے کے ساتھ اس کے جسم سے ساری بھی اتارنے کی کوشش کی تھی ۔ 

    متاثرہ خاتون کی شکایت پر کارروائی کرتے ہوئے کمٹہ پی ایس آئی پدما دیولی اور ان کی ٹیم نے ملزم انیل بابو نائک کو گرفتار کیا اور عدالت میں پیش کیا جہاں سے ملزم کو 22 جنوری تک عدالتی حراست میں بھیج دیا گیا  ہے۔