بھٹکل اور یلاپور میں بس سرویس ڈیوٹی پر حاضری دینے والے 15ملازمین پر حملے کا الزام
بھٹکل :15؍ اپریل(ایس اؤ نیوز)اپنی ڈیوٹی پر حاضری دئیے سرکاری بس ڈپو ملازمین پر حملہ کرتے ہوئے جان سےمارنےکی دھمکی دئیے جانےکےمتعلق شہری پولس تھانےمیں کیس درج کیا گیا ہے۔
بھٹکل بس ڈپو کے ڈرائیور اور کنڈکٹر جب ڈیو ٹی پر حاضر ہوئے تو اسی ڈپو کے دیگر ڈرائیور اور کنڈکٹروں نے ایک ہوٹل میں حملہ کرتے ہوئے گالی گلوج کئے جانے کا الزام لگایا گیا ہے۔ ڈرائیور موہن نائک اور کنڈکٹر ایف نرونا حملہ کا شکار ہونے والے ملازمین ہیں۔ وہ بدھ کی صبح بس ڈپو مینجر کی ہدایت کے مطابق بھٹکل ۔کمٹہ بس روٹ پر ڈیوٹی انجام دے رہے تھے۔ دوپہر میں کھانے کو لوٹے توبھٹکل ڈپو کے ملازمین جو احتجاج میں شریک ہیں ڈرائیور وجئے کمار ڈونگے ، مہیش نائک، آنند نائک ، ستیش نائک، وسنت نائک سمیت کئی ملازمین نے گالی گلوج کرتےہوئے اس پر حملہ کرنےکا الزام لگایاگیا ہے۔ اور دھمکایاگیا کہ وہ دوبارہ وہ ڈیوٹی پر حاضر ی نہ دے۔
یلاپور میں بھی حملہ : بس اسٹینڈ میں اپنی ڈیوٹی انجام دے رہے ملازمین کی راہ میں رکاوٹ پیدا کرنے کے الزام میں یلاپور بس ڈپو کے 15ملازمین اور ان کے خاندان کے خلاف یلاپور پولس تھانے میں کیس درج کیاگیا ہے۔
سرسی سے یلاپور بس اسٹینڈ پہنچی بس کے ڈرائیور جی کے نائک اور کنڈکٹر جی بی نائک کا گھیراؤ کرتےہوئے گالی گلوج کی گئی ہے۔ شکایت میں تحریر کیاگیا ہےکہ ڈرائیورکو پھولوں کا ہار پہنا کر استقبال کئےجانےکے علاوہ کنڈکٹر کو بھی پھولوں کا ہار پہنا کر بےعزتی کرنے کی کوشش کی گئی ہے۔ اور اسی موقع پر انہیں دھمکایاگیا ہے کہ وہ ڈیوٹی انجام نہ دیں ورنہ انجام ٹھیک نہیں ہوگا۔ اسی بات کو لے کر ملازمین اور ان کےخاندان والوں کے خلاف یلاپور بس ڈپو مینجر روی انچ گاوی نے پولس تھانےمیں شکایت درج کی ہے۔ شکایت میں کنٹرولر جیپا ، ڈرائیور لکشمن میلگیری ، بی اے ملا، متپا کلور، ہنومنت ربلیرا، آنند ہیرےمٹھ، ایچ آر اڈن، بی بی رجپوت، جی این امبیگا،بسیا ہیرے مٹھ، واگمورے ، راجیش سمیت کئی ملازمین اور ان کی عورتوں کو ملزم بتایا گیا ہے۔
