پیرس،25؍جون ( ایس او نیوز؍آئی این ایس انڈیا ) اسپین کے رافیل نڈال مردوں کے اے ٹی پی رینکنگ میں اپنے روایتی حریف راجر فیڈرر کو شکست کر پھر سے ٹاپ پرپہنچ گئے ہیں۔فیڈرر کو اے ٹی پی ہالے گراس کورٹ ٹورنامنٹ کے فائنل میں شکست کا خمیازہ رینکنگ میں ٹاپ مقام گنوا کر چکانا پڑا۔ کروشیا کے بورنا کورچ کل فائنل میں فیڈرر کو7-6 (8/6), 3-6, 6-2 سے شکست دی تھی۔اس شکست سے فیڈرر اپنے99 ویں خطاب سے محروم رہنے کے ساتھ 50رینکنگ پوائنٹس بھی گنوا بیٹھے۔نڈال نے فرانسیسی اوپن کا خطاب جیتنے کے بعد رینکنگ حاصل کی تھی لیکن فیڈرر نے سٹگارڈ کپ میں فتح کے ساتھ دوبارہ ٹاپ پرآ گئے تھے۔کوینس کلب کے چمپئن مارن سلچ ایک مقام کی بہتری کے ساتھ پانچویں نمبر پر آ گئے ہیں جبکہ سابق نمبر ایک نوواک جوکووچ پانچ مقامات کی بہتری کے ساتھ 17 ویں مقام پر آ گئے ہیں۔ڈبلیوٹی اے رینکنگ میں گزشتہ ہفتے کورٹ سے دور رہنے کے بعد بھی سمونا ہالیپ ٹاپ پربرقرار ہے۔اس میں ٹاپ دس کھلاڑیوں کی درجہ بندی میں کوئی تبدیلی نہیں ہوئی ہے۔