ایشز سیریز: پانچویں ٹیسٹ میچ انگلینڈ نےآسٹریلیا کو 135 رنز سے شکست دی، سیریز 2-2 سے برابر

Source: S.O. News Service | Published on 16th September 2019, 6:37 PM | اسپورٹس |

لندن،16؍ستمبر(ایس او نیوز؍ایجنسی) اوول میں کھیلے گئے آسٹریلیا اور انگلینڈ کے درمیان پانچویں ٹیسٹ میچ کے چوتھے روز آسٹریلیا کی ٹیم دوسری اننگ میں 263 رنز بنا کر آؤٹ ہو گئی۔ یوں انگلینڈ نے یہ ٹیسٹ 135 رنز سے جیت کر ایشز سیریز 2-2 سے برابر کر دی ہے۔

آسٹریلیا کی دوسری اننگ میں میتھیو ویڈ نے شاندار سنچری بنائی۔ تاہم ان کے علاوہ آسٹریلیا کا کوئی بھی بیٹسمین اس ٹرننگ وکٹ پر کوئی خاص کارکردگی نہ دکھا سکا۔

اس میچ کی پہلی اننگ میں انگلینڈ نے پہلے کھیلتے ہوئے 294 رنز بنائے۔ جوس بٹلر 70 رنز کے ساتھ سب سے نمایاں بیٹسمین رہے۔ ان کے علاوہ کپتان جو روٹ نے 57 اور اوپنر روری برنز نے 47 رنز بنائے۔ آسٹریلیا کی طرف سے مچل مارش سب سے کامیاب بالر رہے۔ انہوں نے 5 وکٹیں حاصل کیں جبکہ پیٹرک کمنز نے 3 اور جوش ہیزل ووڈ نے 2 کھلاڑیوں کو پیویلین کا راہ دکھائی۔

اس کے جواب میں آسٹریلیا کی ٹیم 225 رنز بنا سکی۔ سمتھ نے 80 اور میمس لیبوشانے نے 48 رنز بنائے۔ انگلینڈ کی طرف سے جوفرا آرچر 6 وکٹوں کے ساتھ سب سے کامیاب بالر رہے۔ ان کے علاوہ سیموئل کرن نے 3 اور کرس ووکس نے ایک وکٹ حاصل کی۔

انگلینڈ نے دوسری اننگ 69 رنز کی لیڈ کے ساتھ شروع کی اور ڈینلی 97، سٹوکس 67 اور بٹلر کی 47 رنز کی شاندار بیٹنگ کے باعث 329 رنز بنا کر آؤٹ ہوئی۔ آسٹریلیا کی طرف سے نیتھن لائنز نے 4، اور کمنز، سڈل اور مارش نے دو دو وکٹیں حاصل کیں۔

یوں آسٹریلیا کو یہ ٹیسٹ جیتے کیلئے 399 رنز کا ہدف ملا لیکن آسٹریلیا کی ٹیم میتھیو ویڈ کے شاندار 117 رنز کی اننگ کے باوجود 263 رنز بنا سکی۔ انگلینڈ کی طرف سے کرس براڈ اور جیک لیچ نے 4,4 اور جو روٹ نے 2 وکٹیں اپنے نام کیں۔

انگلینڈ کے جوفرا آرچر نے اس میچ میں تسلسل کے ساتھ 90 میل فی گھنٹہ سے زیادہ رفتار سے بالنگ کرتے ہوئے پہلی اننگ میں 6 وکٹیں حاصل کیں۔ انہیں میچ کا بہترین کھلاڑی قرار دیا گیا۔

یہ ایشز سیریز 2-2 ٹیسٹ سے برابر رہی۔ یوں آسٹریلیا نے ایشز ٹرافی اپنے نام برقرار رکھی۔

میچ کے بعد آسٹریلیا کے کپتان ٹم پین نے کہا کہ اس میچ میں ٹاس جیتنے کے باوجود فیلڈرز نے بالرز کا بھرپور ساتھ نہ دیا اور یوں انگلینڈ کو پہلی اننگ میں لیڈ حاصل کرنے کا موقع مل گیا۔ تاہم ان کا کہنا تھا کہ ایشز ٹرافی برقرار رکھنا ان کی ٹیم کیلئے بڑا اعزاز ہے۔ انگلینڈ کے کپتان جو روٹ کا کہنا تھا کہ ٹاس ہارنے کے باوجود اُن کی ٹیم نے شانداز کارکردگی دکھائی۔ انہوں نے کہا کہ جوفرا آرچر کی بالنگ زبردست رہی اور دیگر بالرز نے بھی اُن کا بھرپور ساتھ دیا۔

ایک نظر اس پر بھی

ہندوستان کی جنوبی افریقہ کے خلاف اننگز اور 137 رن سے بڑی جیت، فریڈم سیریز پر قبضہ

ہندستان نے جنوبی افریقہ کو پہلی بار فالوآن کھیلنے پر مجبورکیا اور گیندبازوں کی شاندار کارکردگی کی بدولت دوسرا ٹسٹ چوتھے دن ہی اتوار کو اننگز اور 137رن سے جیت کر تین میچوں کی سیریز میں دوصفر کی ناقابل تسخیر سبقت حاصل کرلی ۔ ہندستان کی جنوبی افریقہ کے خلاف یہ سب سے بڑی جیت ہے اور ...

انگلینڈ کے آل راؤنڈراسٹوکس بنے پی سی اے کے ’سال کے بہترین کھلاڑی‘

انگلینڈ کے آل راؤنڈر بین اسٹوکس کو پیشہ ورانہ کرکٹروں کے ایسوسی ایشن (پی سی اے) کے ایوارڈز میں ’سال کا بہترین کھلاڑی‘منتخب کیا گیا۔اسٹوکس نے انگلینڈ کو عالمی کپ کا خطاب دلانے میں اہم کردار ادا کیا تھا جس میں وہ جولائی میں نیوزی لینڈ کے خلاف فائنل میں مین آف دی میچ رہے تھے۔28سال ...

دیپا کرماکر زخمی، جمناسٹکس چمپئن شپ میں ہندوستان کے لیے بڑا چیلنج

03/اکتوبر(آئی این ایس انڈیا) زخمی دیپا کرماکر کی غیر موجودگی میں ہندوستانی جمناسٹو کو جمعہ سے یہاں شروع ہو رہی عالمی جمناسٹکس چمپئن شپ میں سخت چیلنج کا سامنا کرنا ہوگا۔ہندوستانیوں کو حالانکہ میڈل کی توقع نہیں ہوگی لیکن وہ اپنی بہترین کارکردگی کرنا چاہتے ہیں۔ اولمپکس کے لیے ...

اظہرالدین حیدرآباد کرکٹ ایسوسی ایشن کے صدر منتخب

ہندوستانی کرکٹ ٹیم کے سابق کپتان محمد اظہر الدین حیدرآباد کرکٹ ایسوسی ایشن(ایچ سی اے) کے صدر کے باوقار عہدہ کیلئے منتخب ہوگئے۔ شہر کے علاقہ اُپل میں واقع راجیو گاندھی انٹرنیشنل کرکٹ اسٹیڈیم میں جمعہ کی صبح ایسوسی ایشن کے انتخابات منعقد ہوئے اور نتائج کا اعلان شام پانچ بجے کیا ...

کرناٹکا اسٹیٹ کرکٹ اسوسی ایشن سے منظورشدہ کرکٹ ٹورنامنٹ میں حصہ لینے کھلاڑیوں کے لئے سنہرہ موقع؛ بھٹکل سمیت ضلع اُترکنڑا کے کھلاڑی ہوسکتے ہیں شریک

کرناٹکا اسٹیٹ اسوسی ایشن (KSCA) سے منظور شدہ کرکٹ ٹورنامنٹ میں  حصہ لینے بھٹکل اسپورٹس اکیڈمی کی جانب سے بھٹکل کی انڈر 14، انڈر 16، انڈر 19 سمیت سنئیر کھلاڑیوں پر بھی مشتمل  دو ٹیموں کو  ترتیب دیا جارہا ہے  جس کے لئے کھلاڑیوں کا انتخاب اُن کی قابلیت ، اُن کے پرفارمینس اور دیگر ...