بھٹکل 16/ ڈسمبر(ایس او نیوز)اسلامیہ اینگلو اردو ہائی اسکول بھٹکل کے عثمان حسن ھال میں سنیچر کوطلباء کے مابین سالانہ ادبی مقابلے منعقد ہوئے جس میں قرأ ت، نعت اورغزل کے علاوہ اردو،انگریزی اورکنڑا میں تقاریربھی شامل تھیں۔

جلسہ کا آغاز اسکول کے طالب علم محمد عاطف قاضی کی تلاوت کلام پاک سے ہوا، جناب شبیردفعدار(صدرمدرس آئی یوایچ ایس) نے استقبال کیا۔ جناب عبدالحفیظ خان ندوی(استاد آئی یوایچ ایس ) نے مہمانان کا تعارف پیش کیا۔ جس کے بعد طلباء کے مابین ادبی مقابلوں کا آغاز ہوا جس میں طلباء نے بہترین مظاہرہ پیش کرتے ہوئے اس مقابلے کو کامیاب بنایا۔ اس موقع پراعلان کیا گیا کہ اول، دوم اور سوم آنے والوں کو سالانہ جلسہ کے موقع پر انعامات سے نوازا جائے گا۔

مہمان خصوصی کے طورپرجناب سید سمیرسقاف (نائب صدراول،انجمن حامئی مسلمین) اورمولانا محمد فیاض مولوی (موٹیا) موجود تھے جنہوں نے طلباء سے خطاب کرتےہوئے مفید مشوروں سے نوازا۔ انجمن کے صدر جناب قاضیا محمد مزمل نے صدارت کی اورجناب عبدالناصرخان (انچارج صدرمدرس آئی یوایچ ایس) کے کلمات تشکر پرجلسہ اختتام کو پہنچا۔ انجمن کے نائب صدر دوم محمد صادق پلٌور اور اسکول بورڈ سکریٹری سعداللہ رکن الدین بھی اسٹیج پر موجود تھے۔