انکولہ : قانونی اجازت نامہ کے بغیر چلائے جارہے اسپتال اور دواخانہ پر تعلقہ ہیلتھ آفیسر نے مارا چھاپہ

Source: S.O. News Service | Published on 4th May 2021, 3:31 PM | ساحلی خبریں |

انکولہ ،4؍ مئی (ایس او نیوز) شہر میں  ضروری اجازت نامہ کے بغیر دوا خانے چلانے کی اطلاع ملنے پر کارروائی کرتے ہوئے تعلقہ ہیلتھ آفیسر ڈآکٹر نتین ہوسمیلکر نے آگرسور میں واقع مہامیہ ہاسپٹل اور انکولہ شہر میں واقع  ڈاکٹر سدیش کے کلینک پر چھاپہ مارا۔

ٹی ایچ او ڈاکٹر نتین نے  انیل ہنومٹیکر سے تعلق رکھنے والے مہامیہ ہاسپٹل کے تعلق سے بتایا : کاغذات کی جانچ کرنے پر یہ بات سامنے آئی ہے کہ سرکاری حکم کے مطابق ڈی آئی اے ایم ایس اور ڈرگ کنٹرولر کاروار کی جانب سے اجازت نامہ حاصل کیے بغیر اس اسپتال میں گزشتہ تقریباً 32 سال سے مختلف بیماریوں کا علاج کیا جارہا تھا۔ اسپتال کے اندر تلاشی لینے پر حمل ساقط کرنے کے اوزار بھی رکھے ہوئے پائے گئے جس سے شکوک پیدا ہورہے ہیں۔

 انیل ہنومٹیکر نے ٹی ایچ او کو بتایا کہ اس نے ایس ایس ایل سی کے بعد کلکتہ کی یونیورسٹی سے بیرونی طالب علم کے طور پر ڈی آئی اے ایم ایس کورس مکمل کیا ہے۔ ان حالات کے پس منظر میں ٹی ایچ او نے انیل ہنومٹیکر کو نوٹس دیتے ہوئے ہدایت کی ہے کہ سرکاری ضابطہ کے مطابق اجازت نامہ حاصل کیا جائے اور تب تک اسپتال بند رکھا جائے۔

ڈاکٹر نتین ڈی ایچ او نے بتایا کہ ہنومٹیکر نے اپنے اسپتال کے دروازے پر جو ڈاکٹر انیل ہنومٹیکر اور رجسٹر نمبر 7063 کا بورڈ لگایا ہے وہ غیر قانونی ہے۔ اس کےعلاوہ اپنے بائک کے نمبر پلیٹ پر ڈاکٹر کی علامت جو لگائی ہے وہ قانونی طور پر ایک جرم ہے۔ اس تعلق سے ڈسٹرکٹ ہیلتھ آفیسر کو رپورٹ روانہ کردی گئی ہے۔

ڈاکٹر سدیش کی کلینک پر ٹی ایچ او ڈاکٹر نتین ہوسمیلکر نے اچانک چھاپہ مارا تو پتہ چلا کہ ڈاکٹر سدیش ایک ہومیو پیتھک ڈاکٹر ہے لیکن اپنے کلینک میں وہ بعض مریضوں کا علاج ایلوپیتھک میڈیسن کے ذریعہ کر رہے ہیں۔ اس کے لئے انہوں نے اسسٹنٹ ڈرگ کنٹرولر سے اجازت نامہ نہیں حاصل نہیں کیا ہے۔ اس لئے ان کو ڈرگ کنٹرولر سے اجازت لینے کے لئے نوٹس دی گئی ہے۔    

ایک نظر اس پر بھی

ساحلی کرناٹکا میں 'ٹاوکٹے' طوفان کی دستک ۔ محکمہ موسمیات نے جاری کیا 16 مئی تک ریڈ الرٹ

ساحلی کرناٹکا کی طرف  بڑھتے  'ٹاوکٹے' طوفان کے پیش نظرمحکمہ موسمیات نے 16مئی تک ریڈ الرٹ جاری کرتے ہوئے مچھیروں اور عوام الناس کو دریا، سمندراورنشیبی و ساحلی علاقوں سے دور رہنے کی ہدایت دی ہے۔

بھٹکل میں کورونا لاک ڈاون کے چلتے عید الفطر؛ مولانا خواجہ مدنی اور مولانا عبدالعلیم ندوی کا عوام کےنام عید کا پیغام؛ انکھوں سے نظر نہ آنے والے ایک چھوٹے سے جرثومہ کے آگے دنیا عاجز

بھٹکل سمیت ریاست کرناٹک کے ساحلی علاقوں  میں  کورونا لاک ڈاون کے چلتے کل جمعرات کو عید الفطر منائی جائے گی، جس کی وجہ سے  عید گاہ یا مساجد میں  نماز عید کی  ادائیگی کی اجازت نہیں ہے،  اسی طرح   لوگوں کو گھروں سے باہر نکل کر عید کی خوشیاں منانے سمیت  دوست احباب اور رشتہ داروں  ...

بھٹکل میں بڑھ رہے ہیں کورونا پوزیٹیو معاملات؛ آج ایک ہی دن 81 کی رپورٹ آئی پوزیٹو

بھٹکل سمیت ضلع اُترکنڑا میں  کورونا پوزیٹیو کے معاملات میں دن بدن اضافہ دیکھا جارہا ہے، جس سے ذمہ داران میں تشویش پائی جارہی ہے۔ آج بدھ کو ایک ہی دن بھٹکل میں کورونا پوزیٹیو کے 81 معاملات سامنے آئے ہیں  جس کے ساتھ ہی  کورونا کی دوسری لہر میں بھٹکل میں پوزیٹیو معاملات کی تعداد ...

بھٹکل سمیت اُڈپی، مینگلور اور کیرالہ میں آج 30 روزے مکمل؛ کل جمعرات کو منائی جائے گی عیدالفطر

  بھٹکل اور کمٹہ سمیت پڑوسی ضلع اُڈپی، دکشن کنڑا اور پڑوسی ریاست کیرالہ میں  آج بدھ کو  رمضان کے تیس روزے مکمل ہوگئے جس کے ساتھ ہی کل جمعرات  کو ان علاقوں میں عیدالفطر منائی جائے گی۔ جبکہ ملک کے دوسرے حصوں میں  آج 29 روزے مکمل ہورہے ہیں اوراگر آج شام کو چاند نظر آتا ہے    تو  ...

لوگ کورونا سے مرے جارہے ہیں اور ریاستی حکومت کو لگی ہے ذات پات کے اعداد و شمار کی فکر

پورے ملک کی طرح ریاست میں بھی کورونا کا قہر جاری ہے ۔ عوام آکسیجن، اسپتال میں بستر اور دوائیوں کی کمی سے تڑپ رہے ہیں۔ لیکن ریاستی حکومت کو الیکشن اور ذات پات کی تفصیلات کی فکر لاحق ہوگئی ہے تاکہ آئندہ انتخاب کے لئے تیاریاں مکمل کی جائیں۔