دہلی میں سب انسپکٹر پر گرل فرینڈ کو گولی مارنے کا الزام، متاثرہ خاتون اسپتال میں داخل

Source: S.O. News Service | Published on 28th September 2020, 2:43 PM | ملکی خبریں |

نئی دہلی،28؍ستمبر(ایس او نیوز؍ایجنسی) دہلی کے علی پور علاقہ سے ایک سنسنی خیز خبر سامنے آئی ہے۔ اے بی پی نیوز ویب سائٹ کے مطابق دہلی پولیس کے ایک سب انسپکٹر پر اپنی گرل فرینڈ کو گولی مارنے کا الزام لگا ہے۔ سب انسپکٹر سندیپ دہیا کی تلاش جاری ہے۔ خبروں کے مطابق سب انسپکٹر اور متاثرہ خاتون ایک سال سے ریلیشن شپ میں تھے۔ دونوں جی ٹی کرنال روڈ سے کہیں جا رہے تھے اور راستے میں دونوں میں کچھ کہا سنی ہو گئی، الزام ہے کہ اس کہا سنی میں سب انسپکٹرسندیپ دہیا نے لڑکی کو گولی مار دی۔

لڑکی زخمی حالت میں جی ٹی کرنال روڈ پر پڑی تھی کہ اس راستہ سے گزرتے ہوئے ایس آئی جے ویر کی اس پر نظر پڑی۔ جے ویر شاہ آباد ڈیری تھانہ میں تعینات ہیں۔ جے ویر نے لڑکی کو اسپتال میں داخل کرایا۔

واضح رہے اسپتال لے جاتے وقت متاثرہ خاتون نے بتایا کہ اس کو سب انسپکٹر سندیپ نے گولی ماری ہے اور وہ گزشتہ ایک سال سے ریلیشن شپ میں ہیں۔ پہلے سے شادی شدہ سندیپ دہیا کا اپنی بیوی سے جھگڑا چل رہا ہے اور وہ مبینہ طور پرالگ رہ رہا ہے۔ متاثرہ لڑکی کا اسپتال میں علاج چل رہا ہے اور اس کی حالت بہتر بتائی جا رہی ہے۔ پولیس نےسندیپ کےخلاف معاملہ درج کر لیا ہے اور اس کی تلاش جا رہی ہے۔

ایک نظر اس پر بھی

کانگریس نے نتیش کمار اور سشیل مودی کو برخاست کرنے کا مطالبہ کیا

کانگریس نے آج گورنر پھاگو چوہان سے ملاقات کر کے مونگیر تشدد معاملے میں وزیراعلیٰ نتیش کمار اور نائب وزیراعلیٰ سشیل کمار مودی کو سیدھے طورپر ذمہ دار ٹھہراتے ہوئے انہیں عہدہ سے برخاست کرنے اور پولیس فائرنگ میں مارے گئے نوجوان کے اہل خانہ کو پچاس لاکھ روپے معاوضہ دینے کا مطالبہ ...

سعودی کرنسی نوٹ میں کشمیر، لداخ کو علاحدہ ملک دکھانے پر ہندوستان کا اعتراض

ہندوستان نے سعودی عرب کے نئے کرنسی نوٹ پر کشمیر اور لداخ کو عالمی نقشے میں علیحدہ ملک دکھانے پر سخت اعتراض درج کیا ہے اور سعودی حکومت سے اپیل کی ہے کہ یہ علاقے ہندوستان کا اٹوٹ حصے ہیں اور نقشہ میں غلطی کا ازالہ کرنے کے لیے فوری کارروائی ہونی چاہئے۔