بیدر۔2/اکتوبر (ایس او نیوز) آل انڈیا آئیڈیل ٹیچرس اسوسی ا یشن (آئیٹا) کی جانب سے منائی جارہی ملک گیر مہم بعنوان ''تدریسی آگہی طلبائی ارتقاء، سماجی تغیر آئیٹا ایک مثالی پلیٹ فارم '' کے تحت اتوار یکم اکتوبر کو گلبرگہ ضلع کے ہدایت سینٹر میں اساتذہ کے لیے ریاستی کانفرنس کا انعقاد کیا گیا۔ جس میں سید تنویر احمد معروف ماہر تعلیم مرکزی تعلیمی بورڈ دہلی ، ڈاکٹر وکرم وساجی، پروفیسر، سنٹرل یونیورسٹی آف کرنا ٹک،گلبرگہ اور شیخ عبدالرحیم قومی صدر آئیٹا نے خطاب کیا۔
سید تنویر احمد نے اپنی تقریر میں اساتذہ کو تعلیم کے مقصد سے واقف کراتے ہوئے کہا کہ تعلیم کا مقصد محض معلومات کی منتقلی نہیں بلکہ یہ طلبہ کی شخصیت میں تبدیلی کا نام ہے۔ آج تعلیم کو صرف معاش سے جوڑ دیا گیا ہے جبکہ اس کے ذریعہ طلبہ میں ہو لسٹک ڈیولپمنٹ کو فروغ دینے کی ضرورت ہے۔ آپ نے اساتذہ کو ٹیچنگ کو موثر بنانے کی غرض سے دور جدید کے وسائل جیسے آئی سی ٹی کا استعمال، ایکیوٹی بسیڈ ٹیچنگ وغیرہ کواختیار کرنے پر زور دیا۔ آپ نے اساتذہ کو طلبہ کی تعلیم کے ساتھ ساتھ تر بیت پر بھی زور دینے کے لیے کہا۔ آپ نے یہ بھی کہا کہ حکومت ہند کی جانب سے وقتافوقتا جاری کردہ تعلیمی دستاویز کا بھی مطالعہ کریں جیسے نیشنل کری کولم فریم ورک قومی تعلیمی پالیسی و غیر۔
ڈاکٹر وکرم و ساجی، پروفیسر سنٹرل یونیورسٹی آف کرناٹک گلبرگہ نے تاریخ کے حوالہ سے مسلمانوں کے تعلیمی میدان میں خدمات کا ذکر کرتے ہوئے کہا کہ محمود گاواں مدرسہ بیدر کے بارے میں بتایا۔ آپ نے مہم کے تینوں موضوعات تدریسی آگہی طلبائی ارتقاء اور سماجی تغیر پر گفتگو کرتے ہوئے بتایا کہ اساتذہ تعلیم کے ذریعہ سماج میں ایک مثبت تبدیلی پیدا کر سکتے ہیں۔
شیخ عبد الرحیم قومی صدر آئیٹا نے اساتذہ کو نصیحت کرتے ہوئے کہا کہ اساتذہ تعمیرِ جہاں کو اپنی پہچان بنائیں۔ آپ نے کہا کہ مہم کافی جوش وخروش کے ساتھ ملک بھر میں منائی جارہی ہے۔ اس دوران آپ نے اساتذہ کو آئیٹا کا تعارف اور آئیٹا کی سرگرمیوں کے بارے میں بھی بتایا اور اساتذہ کو آئیٹا سے وابستہ ہونے کی اپیل کی۔
کانفرنس میں شاہین گروپ آف انسٹی ٹیوٹنٹس کے چیر مین ڈاکٹر عبدالقدیر بطور مہمان خصوصی شریک تھے تعلیمی میدان میں ان کی نمایاں خدمات کو سراہتے ہوئے آئیٹا کرناٹک کی جانب سے مولانا افضل حسین سیکشنا سیوار تنا ایوارڈ سے نوازا گیا۔
پروگرام کا آغاز جناب الطاف امجد ایس اے سی ممبر آئیٹا کی قراء تِ کلام پاک سے ہوا،نعتِ رسول جناب جعفر کاریگر صدر آئیٹا چیتا پور نے پڑھی۔استقبالیہ خطاب جناب کلیم عابد ضلع صدر آئیٹا گلبرگہ نے کیا۔تعارفی خطاب جناب محمد رضا مانوی ریاستی صدر آئیٹا کرناٹک نے کیا۔جبکہ آئیٹا خواتین اسٹیٹ کنوینر و ایس اے سی ممبر کرناٹک محترمہ بلقیس فاطمہ صاحبہ اور ٹیم نے مہم کا ترانہ پیش کیا۔کانفرنس کا افتتاح جناب شیخ عبد الرحیم صاحب مرکزی صدر ائیٹا کے ہاتھوں عمل میں آیا۔نظامت کے فرائض.جناب محبوب الحق صاحب ایس اے سی ممبر ائیٹا کرناٹکا نے بحسن خوبی انجام دئیے۔اورکانفرنس آرگنائزر جناب خالد پرواز کے اِظہار تشکر پر پروگرام کا اختتام ہوا۔ یا د رہے کہ مہم کا آغاز 24 ستمبر 2023 کو ہوا تھا جبکہ اس کا اختتام 15 اکتوبر 2023 کو ہوگا۔