بھٹکل:20؍جنوری(ایس اؤ نیوز)بھٹکل اور ہوناور تعلقہ جات کے مختلف سرکاری محکمہ جات کے افسران کی طرف سے ہونے والی بدعنوانی ، ہراسانی ، پریشانی کے متعلق عوام کی طرف سے اترکنڑا ضلع بدعنوان انسداد دستہ (اے سی بی ) کے ڈی وائی ایس پی شریکانت نے شکایات وصول کیں۔
اس موقع پر بات کرتے ہوئے انہوں نے کہاکہ عوام کی طرف سے شکایات وصول کی گئی ہیں۔ متعلقہ محکمہ جات کی طرف سے وضاحت طلب کریں گے۔ پھر اس کے بعد اصول و ضوابط کے مطابق کیا کچھ کارروائی ممکن ہے وہ سب ہم کریں گے۔ کسی بھی سرکاری محکمہ جات کے افسر ان عوام سے کام کے سلسلےمیں رشوت کی مانگ کرتے ہیں تو اے سی بی کو شکایت دے سکتےہیں۔ انہوں نے عوام سے کہاکہ شکایت دینے کےلئے کسی سے خوف کھانے کی ضرورت نہیں ہے۔