کورونا ویکسین نہ لگوانے والوں پر ابوظہبی میں نئی پابندیاں

Source: S.O. News Service | Published on 12th June 2021, 11:34 AM | خلیجی خبریں |

دبئی،12؍جون(ایس او نیوز؍ایجنسی)متحدہ عرب امارات کی دوسری سب سے زیادہ آبادی والی ریاست ابوظہبی میں کورونا وائرس کی ویکسین نہ لگوانے والوں کے لیے نئی پابندیاں لگائی جا رہی ہیں۔عرب نیوز کے مطابق 15 جون سے ابوظہبی میں خریداری مراکز، مالز، ریستوران، کیفے اور دیگرعوامی مقامات پر صرف ایسے افراد کو داخلے کی اجازت ہو گی  جنہوں نے کورونا ویکسین لگوالی ہو  یا ان کا کورونا ٹیسٹ منفی ثابت ہوا ہے۔

اطلاع کے مطابق  یہ پابندیاں عوامی پارک، ہوٹلوں ،جم ، ساحل سمندر، سوئمنگ پولز، تفریحی مراکز، سینما اور عجائب گھروں پر بھی لاگو ہوں گی۔ان تمام مقامات پر جانے والوں کو یہ ثابت کرنا ہوگا کہ انھوں نے کورونا ایپ کے ذریعے ویکسین کروا لی ہے یا حال ہی میں انہوں نے کورونا ٹیسٹ کروایا ہے جس کا نتیجہ منفی رہا ہے۔

اس کے ساتھ ساتھ ویکسی نیشن یا ٹیسٹ کی تاریخ بھی واضح ہونا ضروری ہے۔موبائل فون پر ایپ کے ذریعے کورونا ویکسین لگانے کے بعد یا ٹیسٹ کا منفی نتیجہ ہونے پر سبز رنگ سے واضح کیا جاتا ہے۔اس کے ساتھ ساتھ جس شخص نے ویکسین نہیں کروائی ہو گی اسے موبائل ایپ پر سبز رنگ برقرار رکھنے کے لیے ہر تین دن بعد کورونا ٹیسٹ کروانے کی ضرورت ہے۔

اس کے علاوہ ویکسین لگوانے والا شخص 30 دن بعد ٹیسٹ کروائے گا۔متحدہ عرب امارات نے گذشتہ ماہ اعلان کیا تھا کہ 6 جون سے براہ راست تقاریب اور سماجی سرگرمیوں اور شادیوں میں شرکت صرف ان افراد تک محدود ہوگی جو یہ ثابت کرسکیں کہ انہوں نے کورونا ویکسین کی خوراک لے لی ہے۔

ایک نظر اس پر بھی

بغیر ویکسی نیشن کے سعودی عرب میں سرکاری جگہوں اور پبلک ٹرانسپورٹ میں داخلہ بند

سعودی عرب میں ویکسین نہ لگوانے والوں کے خلاف سختی کا اعلان کیا ہے۔ سعودی عرب کی وزارت داخلہ نے اعلان کیا ہے جس کے مطابق مملکت میں مقیم جن غیر ملکیوں اور سعودی شہریوں نے اب تک ویکسین نہیں لگوائی ہے انہیں یکم اگست 2021 سے سرکاری جگہوں میں داخلے، تقریبات میں شرکت اور پبلک ٹرانسپورٹ ...

خطبہ ٔحج میں ا مام کعبہ الشیخ ڈاکٹر بندر بن عبدالعزیز بلیلہ کی وبائی امراض سے متعلق احکام ِ نبوی ؐ پر عمل کرنے کی تلقین

خطبہ ٔحج میں ا   مام کعبہ الشیخ ڈاکٹر بندر بن عبدالعزیز بلیلہ نے   وبائی امراض سے متعلق احکام ِ نبوی ؐ پر عمل  کرنے کی  تلقین کرتے ہوئے کہا کہ جہاں طاعون پھیلاہووہاں  کے لوگ دوسرے علاقے میں نہ جائیں اور دوسرے علاقے کے لوگ اس علاقے میں نہ آئیں۔انہوں نے عالمی وبا کے اس دور میں ...

بدھ کو ہندوستان بھر  میں منائی جائے گی عیدالاضحٰی  ؛ سعودی عربیہ، دبئی ، عمان و دنیا کے دیگر کئی  ملکوں میں آج منگل کومنائی جارہی ہے  عید 

بھٹکل اور ریاست کرناٹک سمیت پورے ملک میں کل بدھ 21 جولائی   کو عید الاضحیٰ منائی جائے گی، البتہ سعودی عربیہ، متحدہ عرب امارات،  عمان، کویت اور گلف کے دیگر ملکوں سمیت دیگر مختلف ممالک میں آج منگل کو ہی عید منائی جارہی ہے۔