سون بھدر: زمین کے تنازعہ میں خونیں تصادم، فائرنگ میں 9 افراد ہلاک

Source: S.O. News Service | By Shahid Mukhtesar | Published on 18th July 2019, 11:23 AM | ملکی خبریں | ان خبروں کو پڑھنا مت بھولئے |

سون بھدر،18؍جولائی (ایس او نیوز؍یو این آئی )  اتر پردیش کے سون بھدر میں زمین کے تنازعہ میں دو فریقین میں زبردست خونیں تصادم ہوا۔ دونوں جانب سے چلی تابڑ توڑ فائرنگ میں تقریباً 9 افراد کی جان چلی گئی، جبکہ تقریباً 20 افراد زخمی بتائے جا رہے ہیں۔ ہلاک شدگان میں 4 خواتین اور 5 مرد شامل ہیں۔

پولس کے مطابق یہ حادثہ موریہ گاؤں کے پردھان اور مقامی لوگوں کے درمیان ہوا جو تقریباً ایک گھنٹے تک جاری رہا۔ زخمیوں کو علاج کے لئے اسپتال میں داخل کرایا گیا ہے۔ پولس ذرائع کے مطابق واقعہ کا اہم سبب زمین ہے۔ واقعہ کی اطلاع ملتے ہی ضلع کے سینئر پولس افسران موقع واردات پر پہنچ چکے ہیں۔

اطلاعات کے مطابق گھوراوال تھانہ کے اوبھا گاؤں میں دو فریقین کے درمیان کئی برسوں سے زمین کو لے کر تنازعہ چل رہا تھا۔ بدھ کی شام کو ایک فریق نے دوسرے فریق کے لوگوں کی لاٹھی ڈنڈوں سے پٹائی کی۔ اس واقعہ سے تیش میں آئے دوسرے فریق کے لوگوں نے ہتھیار نکال کر تابڑ توڑ فائرنگ شروع کر دی، جس میں دونوں فریقین کے 9 افراد ہلاک اور 20 زخمی ہو گئے۔ پردھان فریق اور گاؤں کے دوسرے فریق میں زمین کو لے کر رنجش چل رہی تھی۔ بدھ کو دونوں فریقین میں بحث شروع ہوئی جو بعد میں مسلح خونیں تصادم میں تبدیل ہو گئی۔

اتر پردیش کے وزیر اعلیٰ یوگی آدتیہ ناتھ نے اس خونیں تصادم پر رپورٹ طلب کر لی ہے۔ علاوہ ازیں زخمیوں کو فوری طبی سہولیات فراہم کرنے کی ہدایت دی گئی ہے۔ یوگی آدتیہ ناتھ نے اتر پردیش کے ڈی جی پی (ڈائریٹر جنرل آف پولس) کو حکم دیا ہے کہ وہ اس معاملہ پر ذاتی طور سے نظر رکھیں اور واقعہ کی جانچ کرائیں۔

ایک نظر اس پر بھی

اُترکنڑا میں آج پھر کورونا کے 20 کیسس؛ بھٹکل کے ایک شخص کی مینگلور میں موت سمیت 13 پوزیٹیو

اُترکنڑا میں کورونا کے معاملات رُکنے کا نام نہیں لے رہے ہیں اور ہرروز  کورونا سے متاثرہ لوگ یہاں سامنے آرہے ہیں، حیرت کی بات یہ ہے کہ ضلع کے بھٹکل میں بھی کورونا پوزیٹیو معاملات  تھمنے کا نام نہیں لے رہے ہیں، ایک طرف ضلع میں 20 کورونا پوزیٹیو کے معاملات سامنے آئے ہیں تو اس میں ...

منگلورو۔کاسرگوڈ سرحد پر مسافروں کیلئے پریشانی

ریاست میں گزشتہ ماہ اپریل سے ہی کورونا وائرس پھیلنے کے نتیجہ میں کیرالہ ۔ کرناٹک کی سرحد پر واقع کاسرگوڈ اور منگلورو کے درمیان روازنہ ملازمت اور تعلیم کے سلسلہ میں آنے جانے والے لوگوں کیلئے ہر دن نت نئی پریشانیوں کا سامنا کرناپڑرہا ہے۔

خطرے میں اسپین، 95 فیصد آبادی ہو سکتی ہے کورونا کا شکار: تحقیق

کورونا وائرس یعنی کووڈ-19 کے حوالہ سے اسپین میں کی گئی اسٹڈی میں یہ بات سامنے آئی ہے کہ اسپین کی آبادی کا صرف 5فیصد ہی اینٹی باڈیز تیار کرسکا ہے، جس سے یہ بات ثابت ہوتی ہے کہ کورونا سے بچاؤ کے لیے ’ہرڈ امیونٹی‘ حاصل نہیں کی جاسکتی۔

کاروار اسپتال سے 12 مزید لوگ ڈسچارج

بھلے ہی  ضلع اُترکنڑا میں کورونا پوزیٹیو کے معاملے ہر روز سامنے آرہے ہوں، لیکن کاروار اسپتال میں ایڈمٹ کورونا کے متاثرین  روبہ صحت ہوکر ڈسچارج ہونے کا سلسلہ بھی برابر جاری ہے۔