کاروار:03؍اکتوبر(ایس اؤ نیوز)ممبئی سے منگلورو چلنے والی ایکسپرس ٹرین میں سپلائی کئے جارہے 6کلوگرام گانجہ کو کاروار ریلوے اسٹیشن پر ریلوے پولس نے ضبط کرلینے کا واقعہ پیش آیا ہے۔

ٹرین جیسے شیرواڑ ریلوے اسٹیشن پہنچی ریلوے محافظ دستہ کے کانسٹبل سجیر معمول کے مطابق  معائنہ کررہے تھے، اسی دوران انہیں  ایک ایسی تھیلی نظرآئی جو عام طورپر فوجی استعمال کرتے ہیں، تھیلی کےمتعلق دیگر مسافروں سے پوچھاکہ یہ کس کی تھیلی ہے تو ہرایک نے کہاکہ یہ ہماری نہیں ہے۔ کانسٹبل کا شک گہرا ہواتو ساتھی پولس کو لےکر تھیلی کھولی تو گم ٹیپ سے لپٹا ہوا ایک چھوٹاسا ڈبہ نظر آیا۔ اسی وقت اعلیٰ افسران کو جانکاری دی گئی ۔ جائے وقوع پہنچے دستہ کے انسپکٹر ونودکمار ، کانسٹبل ایچ سی کولور اور سی ٹی نریندر نے تھیلی دفتر لا کر کھولا تو اس میں 60روپئے قیمت مالیت کا6کے جی گانجے کا پتہ چلا۔ اس کے بعد کاروار دیہی پولس کو معاملہ منتقل کیاگیا ،جہاں کیس درج کرلیاگیا ہے۔

ٹرین بھٹکل پہنچی تو یہاں بھی کڑی نگرانی کے ساتھ جانچ کی گئی ملزموں کا پتہ لگانے کی ہدایات جاری کی گئی ہیں مگر ابھی تک کسی ملزم کا پتہ نہیں چلاہے۔ مختلف ریلوے اسٹیشنوں میں نصب کئے گئے سی سی ٹی وی کیمروں کی مدد سے جانچ جاری ہے۔ آئندہ دنوں میں اسی طرح کے سخت جانچ و تفتیش کرتےہوئے ملزموں کا پتہ چلانے کی آر سی ایف انسپکٹر پی  ونود کمار نے جانکاری دی۔