سرسی 6 / فروری (ایس او نیوز)  نامدھاری سماج کے گرو وندنا پروگرام سے متعلق فلیکس بینر کو آگ لگانے والے 2 ملزمین کو پولیس نے گرفتار کر لیا جن کی شناخت روی مراٹھی اور کرشنا مراٹھی کے طور پر کی گئی ہے ۔

    بتایا جاتا ہے کہ  سرسی تعلقہ کے دیونلّی گرام پنچایت علاقے میں 26 جنوری کی رات کو بس اسٹینڈ کے پاس نامدھاری سماج کا بینر لگایا گیا تھا جس پر وزیر مدھو بنگارپّا، ایم ایل اے بھیمنّا نائک اور نامدھاری سماج کے گرو برہمانندا سرسوتی سوامی کے فوٹو بھی تھے ۔ دوسرے دن صبح اس بینر کو شرپسندوں نے آگ لگائی تھی ۔ 

    اس ضمن میں قانونی کارروائی کا مطالبہ کرتے ہوئے سرسی دیہی پولیس اسٹیشن میں شکایت درج کروائی گئی تھی ۔ اس پر تحقیقات اور کارروائی کرتے ہوئے پولیس نے ملزمین کا پتہ لگایا اور انہیں گرفتار کرکے عدالت میں پیش کیا جہاں سے انہیں عدالتی تحویل میں بھیج دیا گیا ۔