بھٹکل کورونا کا بارہواں معاملہ: کورونا سے متاثرہ لڑکی کو کیا گیا کاروار شفٹ

Source: S.O. News Service | By I.G. Bhatkali | Published on 7th May 2020, 11:22 PM | ساحلی خبریں |

بھٹکل 7/مئی (ایس او نیوز) بھٹکل مدینہ کالونی کی 18 سالہ لڑکی  جس کی کورونا رپورٹ  پوزیٹو آئی تھی، آج جمعرات شام کو کاروار انسٹی ٹیوٹ آف میڈیکل سائنس (کیمس) میں منتقل کیا گیا ہے۔

یاد رہے کہ اس سے قبل بھٹکل کے تمام کورونا متاثرہ مریضوں کو کاروار بحریہ کے پتنجلی اسپتال میں لے جایا گیا تھا اور وہ تمام لوگ صحت یاب ہوکر واپس لوٹ چکے ہیں۔مگر اب کاروار کیمس میں  کورونا کے مریضوں کے لئے خصوصی وارڈ قائم کیا گیا ہے اور بتایا گیا ہے کہ اس وارڈ میں کورونا مریضوں کے لئے تمام سہولیات فراہم کی گئی ہیں۔بتایا گیا ہے کہ آئندہ مزید کورونا کے مریض سامنے آتے ہیں تو اُنہیں بھی اسی کورونا کے خصوصی وارڈ میں داخل کیا جائے گا۔

واضح رہے کہ جس 18 سالہ لڑکی   کو کورونا کے معاملے میں رپورٹ پوزیٹو آنے پر اب کاروار اسپتال منتقل کیا گیا ہے، اُس کی صحت بالکل ٹھیک ہے اور توقع کی جارہی ہے کہ وہ بھی بھٹکل کے دیگر مریضوں کی طرح اپنی کورنٹائن کی میعاد مکمل کرکے   واپس آئے گی۔(انشاء اللہ)

ایک نظر اس پر بھی

بھٹکل:کورونا سے متاثرہ لوگ سونارکیری اسکول سے ویمن سینٹر منتقل؛ جےڈی نائیک سمیت کئی لیڈران کی رپورٹ آنی باقی

بھٹکل میں  کورونا کے تیسرے حملے میں جہاں ایک طرف دو لوگ جاں بحق ہوگئے وہیں   اب تک  بھٹکل میں 63 لوگ کورونا سے متاثر پائے گئے ہیں، بھٹکل کی ایک معروف  شخصیت مینگلور اسپتال میں ایڈمٹ ہیں تو دیگر لوگ بھٹکل سونارکیری اسکول اور بھٹکل تعلقہ سرکاری اسپتال میں داخل کئے گئے تھے ۔ اب ...

آج 16 پوزیٹیو آنے والوں میں تین دبئی سے اور آٹھ وجے واڑہ سے لوٹے لوگ شامل

بھٹکل کے آج جن 16 لوگوں کی رپورٹ کورونا  پوزیٹیو آئی ہے، اُن میں سے تین لوگ دبئی سے آئے ہوئے لوگ ہیں، آٹھ لوگ وجئے واڑہ ،  تین لوگ  اُترپردیش  اور مہاراشٹرا سے لوٹا ہوا ایک شخص بھی آج کی لسٹ میں شامل ہیں۔

کورونا اَپ ڈیٹ:جنوبی کینرامیں آج صبح سے اب تک ہوئی 2افراد کی موت۔ضلع میں ہلاک ہونے والوں کی تعداد ہوئی 22

جنوبی کینرا میں کورونا وباء کے اثرات بہت زیادہ سنگین صورت اختیار کرتے جارہے ہیں۔ آج صبح سے اب تک کووِڈ کے 2 مریض موت کا شکار ہوگئے ہیں جس کے بعد ضلع میں وباء کی وجہ سے ہلاک ہونے والوں کی تعداد 22ہوگئی ہے۔

بھٹکل میں نجی اسپتال کی نرس کو لگ گیا کورونا کا مرض۔ایس ایس ایل سی کی طالبہ نرس کی بیٹی کو کیا گیا ہوم کوارنٹین

ایک نجی اسپتال میں خدمات انجام دینے والی نرس کو کووِڈ کا مرض لاحق ہونے کے بعدایس ایس ایل سی کا امتحان دے رہی اس کی بیٹی کو امتحان سے باز رکھتے ہوئے ہوم کوارنٹین کیا گیا ہے۔

بھٹکل ٹاؤن، ہیبلے پنچایت اور جالی پنچایت علاقوں میں لاگو رہے گارات کا کرفیو۔سیل ڈاؤن کیے جارہے ہیں ’ہاٹ اسپاٹس‘

بھٹکل تعلقہ میں کورونا وباء کی بدلتی صورتحال پر قابو پانے کے لئے ضلع انتظامیہ نے لاک ڈاؤن قوانین میں دوبارہ کچھ سختی برتنے کافیصلہ کیا ہے۔اسی کے تحت جمعہ کے دن شام میں منعقدہ ایک پریس کانفرنس سے خطاب کرتے ہوئے اسسٹنٹ کمشنر بھرت ایس نے عوام کے لئے جو ہدایات جاری کیں اس کے مطابق ...

بھٹکل سے 200 سے زائد تھوک کے نمونے جانچ کے لئے روانہ؛ 16 کی رپورٹ پوزیٹیو آنے کی خبر

حال ہی میں بھٹکل میں   کورونا کے  جو تازہ معاملات سامنے آئے ہیں، اُس  میں مزید اضافہ کا خدشہ ظاہر کیا جارہا ہے۔ ذرائع سے ملی اطلاع کے مطابق  اب تک 184 لوگوں کے نمونے جانچ کے لئے روانہ کئے گئے ہیں جس میں سے بعض کی رپورٹ آچکی ہیں، اور بعض کی رپورٹس شام تک    آنے کی توقع ہے۔