Wed, 25 Dec 2024 10:57:28
ملک کی کچھ ریاستوں میں آج نئے گورنرز کی تقرری اور رد و بدل عمل میں آئی ہے۔ چند گورنرز کو ایک ریاست سے دوسری ریاست منتقل کیا گیا ہے، جبکہ اڈیشہ کے گورنر رگھوبر داس کو ان کے عہدے سے سبکدوش کر دیا گیا ہے۔ راشٹرپتی بھون کی جانب سے جاری نوٹیفکیشن کے مطابق صدر جمہوریہ دروپدی مرمو نے رگھوبر داس کا استعفیٰ منظور کر لیا ہے۔
View more
Wed, 25 Dec 2024 10:34:22
اتر پردیش پولیس نے گزشتہ 24 گھنٹوں میں مختلف اضلاع میں مجرموں کے خلاف بھرپور کارروائی کرتے ہوئے 5 افراد کو انکاؤنٹر میں ہلاک کر دیا، جبکہ 2 دیگر کو زخمی حالت میں گرفتار کیا گیا ہے۔ پیر کی صبح پیلی بھیت سے شروع ہونے والے انکاؤنٹر کا سلسلہ میرٹھ، لکھنؤ، اور منگل کی صبح غازی پور تک جا پہنچا۔
View more
Wed, 25 Dec 2024 10:19:25
مدھیہ پردیش کے دارالحکومت بھوپال کے جہانگیر آباد علاقے میں گاڑی پارک کرنے کے تنازع نے پرتشدد رخ اختیار کر لیا۔ پرانی غلہ منڈی میں پیش آئے اس واقعے میں دو گروہوں کے درمیان جم کر جھڑپ ہوئی، جس میں لاٹھی ڈنڈے اور تلواروں کا کھلم کھلا استعمال کیا گیا۔ دونوں طرف سے شدید پتھراؤ بھی ہوا، جس کی وجہ سے علاقے میں کشیدگی پھیل گئی۔
View more
Tue, 24 Dec 2024 19:24:04
وقف (ترمیمی) بل 2024 کا جائزہ لینے کے لیے جوائنٹ پارلیمانی کمیٹی کی مدت میں توسیع کے بعد اس کی میٹنگوں کا سلسلہ دوبارہ تیز ہو گیا ہے۔ کمیٹی جلد ہی ریاستی نمائندوں سے زبانی شواہد ریکارڈ کرنے کے لیے میٹنگ منعقد کرے گی۔ میڈیا رپورٹس کے مطابق یہ میٹنگ 26 اور 27 دسمبر کو ہوں گی۔
View more
Tue, 24 Dec 2024 19:07:34
انتخابات کے انعقاد سے متعلق حالیہ دنوں میں کچھ اہم ترامیم کی گئی ہیں، جس پر کانگریس نے اعتراض اٹھایا ہے۔ کانگریس نے ان ترامیم کو چیلنج کرتے ہوئے سپریم کورٹ میں درخواست دائر کی ہے۔ اس بات کی اطلاع پارٹی کے جنرل سکریٹری جئے رام رمیش نے سوشل میڈیا پلیٹ فارم ’ایکس‘ پر دی۔
View more
Tue, 24 Dec 2024 17:28:40
ہندوستان میں بڑھتی ہوئی مہنگائی کے پیش نظر راہل گاندھی نے سبزی مارکیٹ کا دورہ کر کے سبزیوں کی قیمتوں کا جائزہ لیا۔ اس دورے کی ویڈیو انہوں نے اپنے یوٹیوب چینل اور ’ایکس‘ ہینڈل پر شیئر کی۔ ویڈیو میں راہل گاندھی نے مودی حکومت پر تنقید کرتے ہوئے کہا کہ عوامی مفاد کے دعوے کرنے والی حکومت بڑھتی مہنگائی پر قابو پانے میں ناکام رہی ہے۔
View more
Tue, 24 Dec 2024 17:17:32
پشپا-2 کی اسکریننگ کے دوران سندھیا تھیئٹر میں ہوئی بھگدڑ کے معاملے میں اداکار الو ارجن ایک بار پھر حیدرآباد پولیس کے سامنے پیش ہوئے۔ آج صبح وہ اپنی رہائش گاہ سے سیدھے تھانے پہنچے، جہاں پولیس نے ان سے پوچھ تاچھ شروع کی۔ یاد رہے کہ اس حادثے میں ایک خاتون کی جان چلی گئی تھی، جبکہ اس کے دو بچے زخمی ہوئے تھے، جس کے بعد معاملہ مزید سنگین ہو گیا۔
View more
Tue, 24 Dec 2024 17:04:28
کانگریس نے کرناٹک کے بیلگاوی میں 26 دسمبر کو ہونے والی اپنی ورکنگ کمیٹی کی توسیعی میٹنگ کو ’نو ستیہ گرہ بیٹھک‘ کا نام دیا ہے، جس کے بعد 27 دسمبر کو پارٹی ’جے باپو، جے بھیم، جے سمویدھان‘ ریلی کا انعقاد کرے گی۔ یہ تاریخی موقع بیلگاوی کنونشن کے 100 سال مکمل ہونے کی یاد میں منایا جا رہا ہے، جہاں 1924 میں مہاتما گاندھی نے کانگریس کے صدر کی حیثیت سے ذمہ داری سنبھالی تھی۔
View more
Tue, 24 Dec 2024 13:36:27
سپریم کورٹ کالجیم نے ہائی کورٹ کے ججوں کے ساتھ بات چیت کرکے ایک تاریخی قدم اٹھایا ہے۔ کالجیم کا ماننا ہے کہ ججوں کی تقرری کے لیے فائلوں میں درج اطلاعات کے بجائے امیدواروں سے ذاتی طور پر بات چیت کے ذریعہ ان کی اہلیت اور شخصیت کو سمجھنا ضروری ہے۔
View more
Your experience on this site will be improved by allowing cookies
Cookie Policy
