نئی دہلی ، 19؍ستمبر(ایس او نیوز؍ایجنسی) سوشیل ایکٹوسٹ اور اسٹوڈنٹ لیڈر عمر خالد نے غیر قانونی سرگرمیاں (روک تھام)ایکٹ کے تحت گرفتار ہونے کے دو سال مکمل کر لیے- وہ دہلی کی تہاڑ جیل میں بند ہیں - دہلی پولیس نے خالد کو2020میں سابق امریکی صدر ڈونالڈ ٹرمپ کے دورہ بھارت کے دوران فرقہ وارانہ تشدد پھیلانے کی سازش کے الزام میں گرفتار کیا تھا- اس پر بغاوت اور تعزیرات ہند(IPC)کی 18دیگر دفعات کے تحت بھی مقدمہ درج کیا گیا تھا، بشمول قتل اور اقدام قتل- عمر خالد کی گرفتاری کے ٹھیک دو سال بعد، ان کی والدہ صبیحہ خانم دی نے عمر خالد کی گرفتاری کے بعد کے وقت اور عمر کے ساتھ ہونے والی ناانصافی پردی کوینٹ سے بات کی-یقینا یہ مشکل ہے، ہر ماں سمجھ سکتی ہے کہ جب اس کا بیٹا جیل میں ہوتا ہے تو اسے کیسا محسوس ہوتا ہے- عمر کی ہمت ایک فیصد بھی کم نہیں ہوئی-عمر خالد کی والدہ نے چہرے پر ہلکی سی مسکراہٹ کے ساتھ کہاکہ جب بھی عمر سے بات ہوتی ہے تو وہ کہتا ہے کہ میں ٹھیک ہوں - لیکن واقعی میں جانتی ہوں کہ یہ کتنا اچھا ہے-ہم سب جانتے ہیں کہ عمر جیل کی کوٹھری میں اکیلا ہے- میں محسوس کرتی ہوں کہ اگر تالا باہر سے بند ہو جس کی چابی کسی اور کے پاس ہو تو کیسا محسوس ہوتا ہے-لیکن وہ ہمیشہ مجھے طاقت دیتا ہے اور کہتا ہے، اماں، فکر نہ کریں، میں ٹھیک ہوں -یہ حکومت ہر طرح کے مظالم کر کے اپنے خلاف اٹھنے والی تمام آوازوں کو دبانے کی کوشش کر رہی ہے،عمر خالد کی والدہ اور ان کے اہل خانہ کافی عرصے سے ان کی ضمانت کے منتظر تھے- جب ان سے پوچھا گیا کہ کیا آپ کے پاس عمر کیلئے کوئی پیغام ہے تو انہوں نے کہا کہ ظلم کی رات زیادہ دیر نہیں رہتی، صبح ضرور آئے گی-