نئی دہلی ،29جون (ایس او نیوز؍ایجنسی) نائب صدرِ جمہوریہ ہندمسٹر ایم وینکیا نائیڈو کے عہدے کی مدت 10 اگست ، 2022 کو ختم ہو رہی ہے۔ ہندوستانی کے آئین کے آرٹیکل 68 کے مطابق عہدے کی میعاد ختم ہونے کی وجہ سے خالی اسامی کو پر کرنے کے لئے انتخاب سبکدوش ہونے والے نائب صدر کی مدت ختم ہونے سے پہلے مکمل کرنا ضروری ہے۔ الیکشن کمیشن نے آج ہندوستان کے چیف الیکشن کمشنرمسٹر راجیو کمار کی صدارت میں میٹنگ کی ، جس میں الیکشن کمشنر مسٹرانوپ چندر پانڈے نے شرکت کی اور نائب صدرِ جمہوریہ ہند کے عہدے کے لئے انتخاب کے شیڈول کو قطعی شکل دی گئی۔ آئین کی دفعہ 324 میں صدارتی اور نائب صدارتی انتخابات ایکٹ، 1952 پر مشتمل ہے اور صدارتی اور نائب صدارتی انتخابات کے رول 1974 ، بھارت کے نائب صدر کے عہدے کے انتخاب کی نگرانی، ہدایات ، کنٹرول اور انعقاد کی ذمہ داری الیکشن کمیشن آف انڈیا کو تفویض کرتا ہے۔ الیکشن کمیشن کو یہ یقینی بنانے کا پابند بنایا گیا ہے کہ نائب صدر جمہوریہ ہند کے عہدے کا انتخاب ایک آزادانہ اور منصفانہ انتخاب ہونا چاہئے اور کمیشن اپنی آئینی ذمہ داری کو نبھانے کے لئے تمام ضروری اقدامات کر ے۔
الیکشن کمیشن آف انڈیا کو آج 16ویں نائب صدر کے انتخاب کے لئے انتخابات کے شیڈول کا اعلان کرنے کا اعزاز حاصل ہوا۔ صدارتی اور نائب صدارتی انتخابات ایکٹ، 1952 کی دفعہ 4(3) میں کہا گیا ہے کہ انتخابات کا نوٹیفکیشن سبکدوش ہونے والے نائب صدر کے عہدے کی میعاد ختم ہونے سے 60 دن قبل یا اس کے بعد جاری کیا جائے گا۔ آئین ہند کے آرٹیکل 66 کے مطابق نائب صدر کا انتخاب الیکٹورل کالج کے ممبران کے ذریعے کیا جاتا ہے ، جس میں متناسب نمائندگی کے نظام کے مطابق واحد منتقلی ووٹ کے ذریعے پارلیمنٹ کے دونوں ایوانوں کے ممبران شامل ہوتے ہیں۔ 2022 میں 16 ویں نائب صدر کے انتخاب کے لئے الیکٹورل کالج مندرجہ ذیل پر مشتمل ہے:1۔ راجیہ سبھا کے 233 منتخب اراکین،2۔ راجیہ سبھا کے 12 نامزد ارکان، اور3۔ لوک سبھا کے 543 منتخب ارکان۔الیکٹورل کالج ، پارلیمنٹ کے دونوں ایوانوں کے کل 788 ارکان پر مشتمل ہے۔ چونکہ تمام رائے دہندگان پارلیمنٹ کے دونوں ایوانوں کے رکن ہیں، اس لئے ہر رکن پارلیمنٹ کے ووٹ کی قدر یکساں ہوگی یعنی 1 (ایک)۔
آئین کے آرٹیکل 66 (1) میں کہا گیا ہے کہ انتخابات متناسب نمائندگی کے نظام کے مطابق واحد منتقلی ووٹ کے ذریعے کرائے جائیں گے اور ایسے انتخابات میں ووٹنگ خفیہ رائے شماری کے ذریعے ہوگی۔ اس نظام میں، ووٹر کو امیدواروں کے ناموں کے مقابلے میں ترجیحات کو نشان زد کرنا ہوتا ہے۔ ترجیح کو بھارتی ہندسوں کی بین الاقوامی شکل میں، رومن شکل میں، یا کسی بھی تسلیم شدہ بھارتی زبانوں کی شکل میں نشان زد کیا جاسکتا ہے۔ ترجیح کو صرف اعداد و شمار میں نشان زد کرنا ہوگا اور انہیں الفاظ میں نشان زد نہیں کیا جائے گا۔ ووٹر، امیدواروں کی تعداد جتنی ترجیحات کو نشان زد کر سکتا ہے، جب کہ بیلٹ پیپر کے درست ہونے کے لئے پہلی ترجیح کا نشان لگانا لازمی ہے، دوسری ترجیحات اختیاری ہیں۔. ووٹ پر نشان لگانے کے لئے کمیشن مخصوص قلم فراہم کرے گا۔ بیلٹ پیپر کے حوالے کئے جانے پر پولنگ اسٹیشن میں ووٹرز کو قلم نامزد اہلکار دے گا۔ رائے دہندگان کو بیلٹ کو صرف اسی مخصوص قلم سے نشان زد کرنا ہوگا نہ کہ کسی دوسرے قلم سے۔ کسی دوسرے قلم کا استعمال کرنے پر ووٹوں کی گنتی میں اس ووٹ کو نااہل قرار دے دیا جائے گا۔الیکشن کمیشن، مرکزی حکومت کے ساتھ مشاورت سے، لوک سبھا اور راجیہ سبھا کے سکریٹری جنرل کو باری باری، ریٹرننگ افسران کے طور پر مقرر کرتا ہے۔ اسی مناسبت سے لوک سبھا کے سکریٹری جنرل کو نائب صدر جمہوریہ ہند کے عہدے کے موجودہ انتخابات کے لئے ریٹرننگ افسران کے طور پر مقرر کیا جائے گا۔ کمیشن نے ریٹرننگ افسر کی مدد کے لئے پارلیمنٹ ہاؤس (لوک سبھا) میں اسسٹنٹ ریٹرننگ افسروں کی تقرری کا بھی فیصلہ کیا ہے۔