شیلانگ ،26؍جولائی (ایس او نیوز؍ایجنسی) میگھالیہ میں اپوزیشن کانگریس پارٹی نے بھارتیہ جنتا پارٹی لیڈر برنارڈ مارک کے فارم ہاؤس کی "غیر قانونی سرگرمیوں" کی آزادانہ تحقیقات کا مطالبہ کیا ہے۔

ریاستی کانگریس کے نائب صدر رونی وی لنگدوہ نے کہا کہ پولیس نے ہفتہ کو بی جے پی لیڈر مارک کے فارم ہاؤس پر چھاپہ مارا تھا۔ یہ حکمران میگھالیہ ڈیموکریٹک الائنس (ایم ڈی اے) حکومت میں بدعنوانی کا صرف ایک چھوٹا سا نمونہ ہے، جو عوام کو اندھیرے میں رکھ کر کیا گیا ہے۔

انہوں نے کہا کہ یہ چھاپے ایک ایسے وقت میں مارے گئے جب حکومت تمام شعبوں میں بدعنوانی کے الزامات میں گھری ہوئی ہے اورجس پرابھی وضاحت نہیں آئی ہے۔

کانگریس کے سابق وزیر نے کہا، "تورا کے مضافات میں مارک کے فارم ہاؤس پر یہ چھاپہ حکومت کے پچھلے پانچ سالوں کے تمام گناہوں کو بے نقاب کرتا ہے۔ یہ ہرگزیقین کے لائق نہیں ہے کہ وزیر داخلہ اور پولیس کو مسٹر مارک کی سرگرمیوں کے بارے میں کچھ معلوم نہیں تھا۔

مسٹر لنگدوہ نے کہا کہ ایم ڈی اے اتحاد کی قیادت والی یونائیٹڈ ڈیموکریٹک پارٹی (یو ڈی پی) میں نیشنل پیپلز پارٹی اہم اتحادی ہے۔ مسٹر مارک کے فارم ہاؤس میں "غیر قانونی سرگرمیوں" کے بارے میں تبصرہ کرنے کے لیے ہوم ڈپارٹمنٹ اپنے سینئر اراکین سے بات چیت کر رہا ہے۔

ریاست کی 60 رکنی میگھالیہ اسمبلی میں بی جے پی کے دو ارکان ہیں، جو ایم ڈی اے حکومت کی حمایت کر رہے ہیں۔

سینئر کانگریس لیڈر نے الزام لگایا کہ اس کے علاوہ کونراڈ سنگما کو اپوزیشن کے سوالوں کا جواب دینا چاہئے۔ آخر یہ تمام غیر قانونی سرگرمیاں وزیر اعلیٰ کی ناک کے نیچے ہو رہی تھیں۔