ناگپور، 12؍ستمبر(ایس او نیوز؍ایجنسی)مرکزی وزیر نتن گڈکری، جو اپنے بے باک اور سنسنی خیز بیانات کی وجہ سے خبروں میں رہتے ہیں، نے ناگپور میں ایک پروگرام کے دوران کسانوں کو حکومت پر زیادہ بھروسہ نہ کرنے کا مشورہ دیا ہے- درحقیقت انہوں نے کسانوں پر زور دیا کہ وہ زرعی مصنوعات کی مارکیٹنگ اور برآمد کیلئے اپنی کمپنیاں بنائیں -

ہندوستان لائیو ہندی کے مطابق گڈکری نے کہا کہ حکومت وہاں قدم رکھ سکتی ہے جہاں کسان کسی مسئلے کا حل تلاش نہیں کر سکتے- وہ اپنی ایگرو ویژن فاؤنڈیشن اور سرکاری ادارے ایگریکلچر اینڈ پروسیسڈ فوڈ پروڈکٹس ایکسپورٹ ڈولپمنٹ اتھارٹی کے زیراہتمام مشترکہ طور پر منعقدہ ایک آرٹ ریچ پروگرام سے خطاب کر رہے تھے-نتن گڈکری نے کہاکہ حکومت پر زیادہ بھروسہ نہ کریں، میں یہ اس لیے کہہ رہا ہوں کہ میں حکومت میں ہوں -

پہل کی جانی چاہیے- گڈکری نے کہاکہ میں نے ایک کسان کے طور پر اپنی پیداوار کیلئے بازار تلاش کیا، آپ کو بھی تلاش کرنا چاہیے- اپنی پیداوار کیلئے خود بازار- گڈکری نے ناسک کے ایک کسان ولاس شندے کی مثال بھی پیش کی، جس نے بغیر کسی سرکاری سبسڈی یا مدد کے سینکڑوں کروڑ روپے کا کاروبار قائم کیا-