اُڈپی،8 ؍جولائی (ایس او نیوز) کاوپ نیشنل ہائی وے 66  سے گزرتے ہوئے ٹینکر سے اچانک کاربن ڈائی آکسائڈ گیس کا اخراج شروع ہونے سے عوام کے اندر خوف و ہراس پھیل گیا ۔ جس سے تھوڑی دیر کے لئے ماحول کشیدہ ہوگیا۔

ذرائع سے ملی اطلاع کے مطابق  کاربن ڈائی آکسائڈ گیس بھرا ہوا ٹینکر  اڈپی سے منگلورو کی طرف جا رہا تھا ۔ صبح تقریباً 11 بجے  پنگالہ کے قریب اچانک اس کا سیفٹی پِن نکل گیا اور بڑی تیزی سے گیس خارج ہونے لگی ۔ اس سے وہاں موجود لوگوں میں خوف کی لہر دوڑ گئی ۔ مگر فائر بریگیڈ عملہ نے بر وقت کارروائی کرتے ہوئے صورت حال پر قابو پا لیا ۔ اس طرح کوئی بڑا المیہ پیش آنے سے رہ گیا ۔ اس کے علاوہ  جائے وقوع پر پہنچنے والی پولیس  نے ٹریفک کو کنٹرول کرنے کی کارروائی انجام دی ۔