کولمبوٹیسٹ دلچسپ مرحلے میں داخل، دونوں ہی ٹیموں کے لیے جیت کے امکانات روشن

Source: S.O. News Service | Published on 17th July 2017, 9:22 PM | اسپورٹس |

کولمبو، 17/جولائی (ایس او نیوز/آئی این ایس انڈیا)سری لنکا اور زمبابوے کا واحد ٹیسٹ میچ دلچسپ موڑ پر ہے،میزبان سری لنکا نے 388رن کے بڑے ہدف کا تعاقب کرتے ہوئے کوشل مینڈس کی ناٹ آؤٹ نصف سنچری کی مدد سے تین وکٹ پر 170رن بنا کر میچ کو ایسی حالت میں پہنچا دیا ہے جہاں دونوں ہی ٹیموں کے لیے جیت کے امکانات برقرار ہیں۔زمبابوے نے سکندر رضا(127)کی سنچری اور میلکم والیر (68)اور کپتان گریم کریمر(48)کی عمدہ اننگ کھیل کے چوتھے دن، آج اپنی دوسری اننگ میں 377رن بنا کر سری لنکا کے سامنے مشکل ہدف رکھا۔رضا کے کیریئر کی یہ پہلی ٹیسٹ سنچری رہی،اس سے پہلے ان کا سب سے زیادہ اسکور 82رن تھا۔جواب میں سری لنکا کی ٹیم تین وکٹ گنوانے کے باوجود اب بھی ہدف حاصل کرنے کی پوزیشن میں ہے، کیونکہ پریم داسا اسٹیڈیم کی پچ سے گیند بازوں کو خاص مدد نہیں مل رہی ہے۔سری لنکا کو کل میچ کے پانچویں اور آخری دن جیت کے لیے 218رنز بنانے ہوں گے اور اس کے سات وکٹ باقی ہیں۔سری لنکا کی امیدیں بہت کچھ کوشل مینڈس (ناٹ آووٹ 60) اور سابق کپتان انجیلو میتھیوز (ناٹ آووٹ 17)پر ٹکی ہیں، دوسری طرف زمبابوے کو اپنے کپتان اور لیگ اسپنر کریمر سے شاندار کارکردگی کی امید ہو گی، جنہوں نے آج مسلسل 19اوور کئے اور 67رن دے کر دو وکٹ حاصل کیا۔کریمر نے اپل تھرنگا (27)کو پویلین بھیجنے کے بعد کپتان دنیش چند یمل(15)کو آؤٹ کیا۔
 

ایک نظر اس پر بھی

وزیر کھیل گوئل نے ہندوستانی خواتین کرکٹ ٹیم کو نوازا

وزیر کھیل وجے گوئل نے جمعرات کو ہندوستانی خواتین کرکٹ ٹیم کو آئی سی سی خواتین ورلڈ کپ میں ان کی شاندار کارکردگی کے لئے نوازا۔گوئل نے ٹیم کو مبارکباد دیتے ہوئے کہا کہ متالی راج کی قیادت والی ہندوستانی ٹیم بھلے ہی میزبان انگلینڈ کے خلاف خطابی مقابلے میں نو رن سے ہار گئی ہو، لیکن ...

انگلینڈ کے خلاف تیسرے ٹیسٹ سے ڈومنی باہر

آل راؤنڈر کھلاڑی جی پی پی ڈومنی کو انگلینڈ کے خلاف شروع ہو رہے تیسرے ٹیسٹ کے لئے جنوبی افریقہ کی ٹیم سے باہر کر دیا ہے۔ڈومنی نے لارڈز میں کھیلے ہوئے پہلے ٹیسٹ کے دونوں اننگز میں صرف 17رن بنائے تھے۔