عالمی ایتھلیٹکس چمپئن شپ: جیولن تھرو میں دیوندر کانگ نے کیا مایوس، 12 ویں نمبر پر رہے
لندن13اگست(ایس اونیوز؍آئی این ایس انڈیا) دیوندر سنگھ کانگ عالمی ایتھلیٹکس چیمپئن شپ کے اپنے تاریخی فائنل راؤنڈ میں ملک کی امیدوں پر کھرے نہیں اتر پائے ہیں۔ مرد طبقے کی جیولن تھرو ایونٹ میں وہ مایوس کن کارکردگی کا مظاہرہ کرتے ہوئے 12 ویں نمبر پر رہے۔ اس کے ساتھ ہی ہندوستان کی یہاں ورلڈ ایتھلیٹکس چیمپئن شپ میں مایوس کن کارکردگی جاری رہی۔ عالمی چیمپئن شپ کی جیولن تھرو ایونٹ کے فائنل کے لیے کوالیفائی کرنے والے پہلے ہندوستانی نے کافی لچر کارکردگی کا مظاہرہ کیا اور وہ اولمپک اسٹیڈیم میں اپنی تیسری کوشش میں 80.02 میٹر کا بہترین تھرو پھینک سکے۔انہوں نے 75.40 میٹر سے شروعات کی اور 13 کھلاڑیوں میں اپنے دوسرے کوشش میں پھال کر بیٹھے۔ تین راؤنڈ کے بعد وہ باہر ہو گئے جبکہ ٹاپ8 کھلاڑیوں نے مقابلہ جاری رکھا۔کانگ کی سیشن اور ذاتی بہترین کارکردگی 84.57 میٹر ہے۔ سیشن میں ٹاپ پر رہنے والے جرمنی کے جوکانیس ویٹر نے 89.89 میٹر کے بہترین کوشش سے طلائی تمغہ جیتا جبکہ جمہوریہ چیک کے دو کھلاڑی جائب واڈلیجچ (8973 میٹر) اور پیٹر فرڈچ (88.32 میٹر) نے بالترتیب چاندی اور کانسے کا تمغہ اپنے نام کیا۔ موجودہ اولمپک چمپئن تھامس روکلر 88.26 میٹر کے بہترین کوشش سے چوتھے نمبر پر رہے۔
کانگ نے مقابلے کے بعد کہا کہ میں نے اپنی پوری کرنے کی کوشش کی لیکن دائیں کندھے کی چوٹ کی وجہ سے مجھے درد تھا، یہ کافی تیز تھا اور اس کی وجہ سے میں اچھی کارکردگی نہیں کر سکا، میں کوئی عذر نہیں بنانا چاہتا لیکن اگر میں زخمی نہیں ہوتا تو میں اس سے بہتر کر سکتا تھا، میں مایوس ہوں، میں نے ملک کو مایوس کر دیا،تاہم پنجاب کا یہ کھلاڑی پھر بھی عالمی چیمپئن شپ میں بہترین کارکردگی کرنے والا ہندوستانی کھلاڑی رہا۔