ضلع شمالی کینر ا کے سرسی اور کاروارشہروں میں وقف کمیٹی کے2دفاتر
کاروار 19؍نومبر (ایس او نیوز)وزیر برائے تعلیمات، اقلیتی بہبود اور اوقاف جناب تنویر سیٹھ کی جانب سے کرناٹک وقف بورڈ کے چیف ایکزیکٹیو آفیسر کو بھیجے گئے مراسلے کے مطابق اب ضلع شمالی کینرا میں وقف کمیٹیوں کے 2دفاتر ہونگے جن میں سے ایک سرسی اور دوسرا دفترکاروار میں ہوگا۔
وزیر موصوف کے اس مراسلے کی نقل کاروار کے ایم ایل اے ستیش سائل کو بھی موصول ہوئی ہے جس میں لکھا گیا ہے کہ ضلع شمالی کینرا کے مرکزی مقام کاروار سے وقف کمیٹی کاضلعی دفتر جوسرسی شہر میں منتقل کیا گیا تھا اس کو عوامی مفاد اور سہولت کے پیش نظر دوبارہ کاروارشہر ہی میں واپس قائم کرنے کا مطالبہ کاروار انکولہ حلقے کے ایم ایل اے نے کیا ہے۔ لہٰذا وقف بورڈ کی سرگرمیوں کو انجام دینے میں آسانی کے پیش نظر سرسی اور کاروار میں ضلع وقف کمیٹی کے الگ الگ دفاتر قائم کرنے کا فیصلہ کیا گیا ہے۔ اسی کے مطابق کاروار میں ضلع وقف کمیٹی کا دفتر دجلد از جلد شروع کرنے کے اقدامات کے لئے ہدایات جاری کی گئی ہیں۔
