بھٹکل:14/اکتوبر(ایس اؤ نیوز)بھٹکل تعلقہ سرکاری اسپتال میں پردھان منتری بھارتیہ جن اوشدھی کیندر (جنریک میڈیکل)کا اترکینرا کے رکن پارلیمان اننت کمار ہیگڈے نے افتتاح کیا۔

افتتاح کے بعد بات کرتے ہوئے مرکزی وزیر نے کہاکہ مودی سرکار جب سے برسراقتدار آنے کے بعد جنریک ڈرگس کے ذریعے دوائیوں کی قیمت میں کافی کمی کررہی ہے۔ اس کے ساتھ ساتھ معیاری دوائی صنعت کاری کے لئے موقع فراہم کیا جارہا ہے۔ سرکاری اسپتالوں میں ڈیالسس منصوبے کے ذریعے غریب کڈنی مریضوں کی مدد کررہے ہیں۔ آنگن واڑی، آشا کارکنان کی تنخواہوں میں اضافہ کیاگیا ہے۔ بہت جلد نیشنل ہائر ایجوکیشن بورڈ قائم کیا جائے گا ۔ انہوں نے ریاستی حکومت پر الزام عائد کرتے ہوئے کہاکہ ریاست میں آیوشکان منصوبہ کے نفاذ نہیں ہونے کے لئے ریاستی حکومت ہی ذمہ دار ہے۔ ڈائس پر تعلقہ پنچایت ممبر مالتی موہن دیواڑیگا، بی جے پی بھٹکل شاخ کے صدر راجیش نائک، سکریٹری سبرائے دیواڑیگا، بی جے پی منکی صدر سبرائے وغیرہ موجود تھے۔ ڈی ایچ اؤ اشوک نے استقبال کیا تو تعلقہ میڈیکل افسر ڈاکٹر سویتا کامت نے شکریہ اداکیا۔ بھٹکل تعلقہ صحت تعلیمی افسر ایریا دیواڑیگا نے نظامت کی۔