اُڈپی ہیریڈ کا میں ہوئے 2 قتل کے معاملات میں 13 افراد گرفتار

Source: S.O. News Service | By Abu Aisha | Published on 12th January 2017, 12:14 AM | ساحلی خبریں |

اُڈپی:11/جنوری (ایس او نیوز)ہیریڈکا پولس حدودمیں پروین کولال اور سنتوش نایک کے 2بھیانک قتل معاملات میں ملوث کل 13ملزموں کو اُڈپی پولس نے گرفتارکیا ہے۔

19ڈسمبر ک وہیریڈکا پولس تھانہ حدود کے کوتنکٹے نامی مقام پر راؤڈی ورواڑی پروین کولال کا قتل ہوا تھا ، معاملے کے ملوث 5ملزموں کو اُڈپی پولس نے گرفتارکرنے کے بعد عدالت میں پیش کیاہے جہاں انہیں عدالتی تحویل میں دیاگیا ہے۔ ملزموں کی شناخت سنتوش رام عرف پتگے سنتو(33)، سنتوش مڈیوال عرف مامبیٹوسنتو(33)، بیلگام ہینڈلگا جیل کے قیدی سنتوش پجاری عرف سنتو(39)، لتیش پجاری (31)اور سجیت پنٹو(33)کی حیثیت سے کی گئی ہے۔ بیلگام ہینڈلگا جیل میں قید سنتوش پجاری عرف سنتو نے پروین کولال قتل معاملے کا پورا اسکیچ تیار کرنےکی بات ملزم مامبیٹو سنتوش نے پوچھ تاچھ کے دوران پولس کو بتائی ۔ 14ڈسمبر کو چند ملزمان جیل میں قید سنتو سے ملاقات کرتے ہوئے پروین کولال قتل کا فیصلہ لیتے ہیں، 5ویں  ملزم نے نمبر 2ملزم کو 1،50،000روپئے رقم دینے کی بات کہی ہے۔ منصوبہ سازش کے تحت پروین کولال کو ہیریڈکا کے دِیا بار بلایا جاتاہے، جہاں ملزمان نے پروین پر تلوار سے حملہ کرتے ہوئے قتل کرنے کا جانچ کے دوران پتہ چلاہے۔

اسی طرح سنتوش نایک قتل معاملے میں ملوث 8ملزموں کو اُڈپی پولس نے گرفتارکرلیاہے۔ ملزموں کی شناخت پرساد(23)،دیانند (37)،ولفریڈ ارتھر عرف ونو(40)، جینت پائی (55)، کرشنا (33)، مہیش آچاری (23)، رمیش(35)اور پرکاش مولیا کے طورپر کی گئی ہے۔

جانچ کے دوران پتہ چلاہے کہ مقتول سنتوش نایک ملزمان میں سے نتیانند نایک ، جینت پائی اور ولفریڈ کو جو رقم دینی تھی گذشتہ 5-6 سالوں سے رقم اداکئے بغیر ٹالتا رہا۔ رقم وصولی کے لئے ملزمان نے راؤڑی پروین کولال کو ذمہ داری دی  ۔ 2ڈسمبر کو کی صبح پروین کولال نے سنتوش نایک کو اس کے سسرال سے اغواءکرکے ورواڑی لے گیا، جہاں وہ اپنے چیلوں سے مل کر سنتوش کی خوب دھلائی کرنےکے بعد اس کی  زبانی رقم کا پتہ لگانے کی کوشش کی۔منہ کھولنے سے پہلے سنتوش نایک زخموں کی تاب نہ لاکر وہیں دم توڑ دیا۔ قاتلوں سے رٹج کار اور 1،26،000روپئے نقد ضبط کرلئے گئے ہیں۔

قتل کے بعد قاتل پروین کولال اپنے چیلوں کے ساتھ مقتول سنتوش نایک کے گھرکا دروازہ توڑ کر گھر میں رقم ہونے کے شبہ پر کوناکونا چھان مارا، اس کے بعدگھر کے سامنے موجود مندر کی صندوق بھی توڑ کر تلاشی لی مگر کہیں بھی رقم نہیں ملی تو گھر میں موجود مقتول سنتوش نایک کی بیوی سمیترا ، ماں رتناوتی نایک، بھائی ودیادھر، بھائی کی بیوی شوبھا اور مقتول کے بچوں کو ڈرا دھمکا کر زبردستی کار میں لے کر ورواڑی پہنچا ، جہاں اس نے گھروالوں سے رقم کے متعلق جانکاری لینی چاہی ، وہاں بھی کامیابی نہیں ملی تو ان کے پاس موجود گلے کے ہار، انگوٹھی ، بچوں کے پازیب وغیرہ چھین کر واپس گھر بھیج دیا۔ پوچھ تاچھ کے دوران ملزمانے پولس کو بتایا کہ  پروین کولال اور اس کے چیلوں نے وارواڑی میں سنتوش نایک کے پیر کاٹنے کے بعد نعش کو تھیلےمیں ڈال کر قریب کے جنگل میں موجود کنویں میں پھینک دئیے تھے۔ قتل کے لئے استعمال کی گئی کار، رسیاں وغیرہ ضبط کرلی گئی ہیں۔

مقتول کی بیوی سمیترا نایک نے اپنے شوہر کے قتل کو لے کر 4جنوری 2017کو ہیریڈکا پولس تھانےمیں شکایت درج کرتے ہوئے کہا تھا کہ  ورواڑی کے پروین کولال اور چیلوں نے اس کے شوہر سنتوش نایک کو قتل کرکے نعش گم کردی ہے۔ پولس قتل معاملہ مان کر کیس درج کرلینے کے بعد جانچ میں جٹ گئی تھی۔ اُڈپی ضلع ایس پی بال کرشنا ، ایڈیشنل ایس پی وشنو وردھن کی رہنمائی میں اُڈپی ڈی ایس پی کمار سوامی کے رہبری میں برہماور سی پی آئی شری کانت ، اُڈپی ڈی سی آئی بی پولس انسپکٹر سنپت کماراور ان کی ٹیم، ہیریڈکا تھانہ پی ایس آئی ونایک بھلوا اور ان کیٹیم اور سی ڈی آر شعبہ کی ٹیم نے قاتلوں کے پتہ لگانے میں شریک تھی۔

ایک نظر اس پر بھی

اُترکنڑا کے مختلف علاقوں میں سنگھ پریوار کے کارکنوں کے ہنگاموں سے بھٹکل میں بھی تشویش کی لہر؛ کل بدھ کو بھٹکل بندکا اعلان؛ مرڈیشورکے ایک مکان پر پتھرائو

گذشتہ کچھ دنوں سے ضلع اُترکنڑا کے مختلف شہروں میں ہورہے سنگھ پریوار کے کارکنوں کے احتجاج کے نام پر  ہنگاموں کو دیکھتے ہوئے  شہر بھٹکل کے عوام میں بھی تشویش پائی جارہی ہے، ایسے میں وہاٹس ایپ پر کنڑا کا ایک مسیج تیزی کے ساتھ وائرل ہورہا ہے جس میں بتایا گیا ہے کہ کل بدھ کو بھٹکل، ...

ہوناور میں لاپتہ ہونے والا سرسی کا نوجوان زندہ سلامت مل گیا؛ چار روز تک پاگلوں کی طرح جنگل کی خاک چھانتا رہا

چار روز قبل جمعہ کے دن ہوناور کے ہاڈین بال میں شرپسندوں کے حملوں کے بعد لاپتہ ہونے والا سرسی کا نوجوان آج ہوناور کے جنگل میں زندہ سلامت مل گیا، جس کے ساتھ ہی اُن کے گھر پر رونق لوٹ آئی اور گھروالوں سمیت مقامی لوگوں نے اللہ کا شکر بجالیا۔

کیا ہوناور،کمٹہ اور کاروار کے وُکلا نے مسلم گرفتارشدگان کے معاملات کی پیروی نہ کرنے کا فیصلہ کیا ہے ؟

ہوناورمیں گذشتہ روز ایک نوجوان کی لاش قریبی تالاب سے برآمد ہونے کے بعدمسلمانوں کو اُس کے قتل کا ذمہ دار ٹہراتے ہوئے  نہ صرف ہوناور بلکہ کمٹہ اور ضلع کے دیگر علاقوں میں بھی مسلمانوں کے خلاف منظم سازش کے تحت فضا تیار کی جارہی ہے اور  غیر مسلمانوں کو مسلمانوں پر حملہ کرنے کے لئے ...

ہوناور اور کمٹہ کے بعد اب سرسی میں بی جے پی اور سنگھ پریوار کے کارکنوں کا ہنگامہ؛ مسجد اور دکانوں پر پتھرائو کے بعد پولس لاٹھی چارج

  بی جے پی اور سنگھ پریوار کے کارکنوں کی جانب سے ہوناور اور کمٹہ میں پریش میستا کی موت کو لے کر ہنگامہ کھڑا کرنے کے بعد آج سرسی میں بھی ان کارکنوں نے  توڑپھوڑ مچانے کی کوشش کی، جس کے دوران پولس نے لاٹھی چارج کرتے ہوئے  اُن کی کوششوں کو ناکام بنادیا۔