اُڈپی :20؍نومبر (ایس او نیوز) 2011بیاچ کی آئی اے ایس آفیسر سندھو بی روپیش نے اُڈپی ضلع پنچایت ایگزکیٹیو آفیسر کے طورپر منگل کو عہدہ سنبھالا۔ سندھو روپیش سال 2011کے یو پی ایس سی امتحان میں ملکی سطح پر 17واں رینک حاصل کرنے میں کامیاب ہوئی تھی  اور ریاستی سطح پر اول مقام پایا تھا۔

میسور سے تعلق رکھنے والی سندھو،میسور کے این آئی ای سے بی ای کی تعلیم یافتہ ہیں۔ دوبرس تک بنگلورو کی ایک سافٹ وئیر کمپنی میں ملازمت کرنے کے بعد استعفیٰ دے کر یو پی ایس سی امتحان کی تیار ی میں جٹ گئیں تھی  اور صرف ایک سال میں ہی کامیاب ہوتے ہوئے 17واں رینک حاصل کیا تھا۔

بنگلورو میں محکمہ خزانہ کے بجٹ اور وسائل شعبہ میں نائب سکریٹری کے عہدے پر فائز سندھو روپیش کو اب اُڈپی ضلع پنچایت سی ای او شیوانند کاپسے  کی جگہ تقررکیا گیا ہے۔ منگل کو چارج سنبھالنے کے بعد  سندھو روپیش کا اُڈپی سرکٹ ہاؤس میں ضلع نگراں کار وزیر ڈاکٹر جئے مالا نے ملاقات کرتے ہوئے انہیں مبارکباد پیش کی ہے۔